அறியேன்” என்னும்படி இருந்தபடியும், ¹“நின்றும் இருந்தும் கிடந்தும்” என்கிறபடியே, தம் திருவுள்ளத்திலே கிடந்தபடியும் என்னுதல். அன்றிக்கே, ²திருவூரகத்திலே நின்றபடியும், திருப்பாடகத்திலே இருந்தபடியும், திருவெஃகாவிலே கிடந்தபடியும் என்னுதல்.

    ‘நின்றவாறும் இருந்தவாறும் கிடந்தவாறும்’ என்று ³‘ஆழ்வார் பாடாநிற்க, ‘இவையெல்லாம் தொட்டிலிலே’ என்று அருளிச்செய்தார் எம்பெருமானார். தொட்டிற் பழுவைப் பிடித்துக்கொண்டு நிற்கும்படியும், தரித்து நிற்க மாட்டாமை விழுந்திருக்கும்படியும், அது தான் பொறுக்க மாட்டாமை சாய்ந்து கிடக்கும்படியும் சொல்லுகிறது. அன்றிக்கே, ⁴போரார் வேற்கண் மடவாள் போந்தனையும் பொய்யுறங்கி, அவள் போனவாறே எழுந்திருந்து நின்றவாறும், அடி ஓசை பட்டவாறே வந்து இருந்தபடியும், நிழல் ஆடினவாறே முன்கிடந்த தானத்தே ஓராதவன்போல் கிடந்தவாறும் என்றுமாம். நினைப்பரியன-அவை ஒருகால் செய்து போகச்செய்தேயும் இவர்க்கு இன்றுங்கூட நினைக்கவும் அரிதாயிராநின்றன. ⁵“இமையோர் தமக்கும் செவ்வே நெஞ்சால் நினைப்பரிதால் வெண்ணெய் ஊண் என்னும் ஈனச்சொல்” என்றார் அன்றோ முன்பே. ஒன்று

_____________________________________________________

1. “நின்றும் இருந்தும் கிடந்தும் திரிதந்தும்
   ஒன்றுமோ ஆற்றான்என் நெஞ்சகலான்.”

  என்பது, பெரிய திருவந். 35.

2. ஆடவர்கள் எவ்வாறு அகன்றொழிவார் வெஃகாவும்
  பாடகமும் ஊரகமும் பஞ்சரமா - நீடியமால்
  நின்றான் இருந்தான் கிடந்தான் இதுவன்றோ
  மன்றார் மதிற்கச்சி மாண்பு.

  என்னும் பழம்பாடல் இங்கு நினைவு கூர்தல் தகும்.

3. ஆழ்வார்-திருவரங்கப்பெருமாள் அரையர். பழுவை-தொட்டில் சட்டத்தை.

4. சிறிய திருமடல். கண்ணி. 31.

      ஆக, “நின்றவாறும் இருந்தவாறும் கிடந்தவாறும்” என்பதற்கு, ஏழு
  வகையாகக் கருத்து அருளிச்செய்தபடி.

5. ‘நினைக்கவும் அரிதோ?’ என்ன, அதற்கு விடை அருளிச்செய்கிறார்
  ‘இமையோர் தமக்கும்’ என்று தொடங்கி. இது, திருவித்தம். 98-ஆம் பாசுரம்.