இதர தெய்வங்களை உலகம் அடங்கப் பரப்பி வைத்தான்; ஆகையாலே, அவனுடைய அசாதாரண விக்கிரஹத்தில் தோற்றிருக்கும் ஸ்ரீவைஷ்ணவர்கள் உலகம் அடங்கப் பரந்தார்கள்; நீங்களும் அவர்களைப் போன்று அவனை ஆஸ்ரயிக்கப் பாருங்கோள் என்கிறார்.

    இறுக்கும் இறை இறுத்து உண்ண தன்மூர்த்தி தெய்வங்களாக எவ்வுலகுக்கும் நிறுத்தினான்-செய்த பயிருக்குக் ¹கடமை இறுக்குமாறு போன்று, உங்களுடைய புண்ணிய பாவங்களுக்குத் தகுதியாக அவ்வவ் தேவதைகளுக்குக் கொடுக்கும் திரவியங்களைக் கொடுத்து ஜீவிக்கைக்காக, எல்லா உலகங்களிலும் தனக்குச் சரீரமாக இருக்கிற தேவதைகளை நிறுத்தினான். என்றது, இராஜாக்கள் ஊர்தோறும் ²கூறு செய்வார்களை வைக்குமாறு போன்று நிறுத்தி வைத்தான் என்பார் ‘நிறுத்தினான்’ என்கிறார். அத்தெய்வ நாயகன் தானே - ³இவ்வுலகிலுள்ளாரோடு அந்தத் தேவர்களோடு வேற்றுமை யற எல்லார்க்கும் ஒக்க நியமிக்கின்றவனாய் இருக்கிற தானே. மறுத் திரு மார்வன் - ஸ்ரீவத்ஸத்தையும் பிராட்டியையுமுடைய மார்வன் என்னுதல்; ஸ்ரீவத்ஸத்தையுடைய அழகிய மார்வையுடையவன் என்னுதல். அவன் பூதங்கள்-அவனுடைய அசாதாரண விக்கிரஹத்தில் தோற்றிருக்கும் ஸ்ரீ வைஷ்ணவர்கள். கீதங்கள் பாடி வெறுப்பு இன்றி ஞாலத்து மிக்கார்-பிரீதியின் மிகுதியாலே கீதங்களைப் பாடி, ‘சம்சாரத்தில் வசிக்க வேண்டியிருந்ததே!’ என்கிற வெறுப்பு இன்றிக்கே பூமி எங்கும் பரந்தார்கள். நீர் மேவித் தொழுது உய்ம்மின் - ⁴ஆன பின்பு, நீங்கள் சென்று அவர்களை அடைந்து உஜ்ஜீ

_____________________________________________________

1. கடமை-கடனும் வரியும். ‘புண்ணிய பாவங்கட்குத் தகுதியாக’ என்றது,
  புண்ணியம் பெருகுவதற்கும், பாவம் குறைவதற்கும் தகுதியாக என்றபடி.

2. கூறு செய்வார்களை-வரி வசூலிக்கும் மணியக்காரர்களை.

3. “அத்தெய்வ நாயகன்” என்றதற்கு, பாவம் அருளிச்செய்கிறார்
  ‘இவ்வுலகிலுள்ளாரோடு’ என்று தொடங்கி.

4. “மேவித் தொழுது உய்ம்மின்” என்பதற்கு, இருவகை நிர்வாஹங்கள்: முதல்
  நிர்வாஹம், ஸ்ரீ ஆளவந்தாருடையது. இங்கே தொழுதல், பாகவதர்களைத்
  தொழுதல். இரண்டாவது, எம்பெருமானாருடையது. இங்கே ‘தொழுதல்’
  என்றது, பகவானைத் தொழுதல்.