என்றபடி. அன்றிக்கே, சாறு என்று திருவிழாவாய், ‘தேவசாதிக்குத் திருவிழா உண்டாம்படியாக’ என்னுதல்; சாறு பட - என்றபடி. அமுதம் கொண்ட நான்றே -திருப்பாற்கடல் கடைந்து அமுதம் கொண்ட காலத்தில் இவை எல்லாம் உண்டாயின.

(2)

                  698

        நான்றில ஏழ்மண்ணுந் தானத்த வேபின்னும்
        நான்றில ஏழ்மலை தானத்த வேபின்னும்
        நான்றில ஏழ்கடல் தானத்த வேஅப்பன்
        ஊன்றி இடந்துஎயிற் றில்கொண்ட நாளே.

    பொ-ரை: ‘என் அப்பன் வராக அவதாரத்தைச் செய்து பூமியைக் குத்தி இடந்து தன் கொம்பிலே கொண்ட காலத்தில் ஏழு தீவுகளும் நழுவாமல் அந்த அந்த இடங்களிலே உள்ளவாயின; அதற்கு மேல், ஏழு மலை சலித்தல் இல்லாதனவாய்க்கொண்டு அந்த அந்த இடங்களிலே இருப்பனவாயின; அதற்குமேல், ஏழு கடல்களும் உடைந்து ஓடாமல் அந்த அந்த இடங்களிலே இருப்பனவாயின,’ என்றபடி.

    வி-கு : ‘ஏழ் மண்ணும்’ என்றது, ஏழு தீவுகளைக் குறித்தபடி, நாலுதல் -தொங்குதல். ‘நான்றில’ என்றது, ‘ஒவ்வொன்றும் தனது தனது நிலையினின்றும் மாறிற்று இல்லை’ என்றபடி.

    ஈடு : மூன்றாம் பாட்டு. ¹மஹாவராஹ அவதாரத்தின் செயலை அருளிச்செய்கிறார். 

    நான்றில ஏழ் மண்ணும் தானத்தவே-ஏழு பூமியும் நாலாதபடி எடுக்கை. என்றது, ‘ஏழு தீவுகளாய் இருக்கின்ற பூமியை எடுக்கச் செய்தே, ஒன்றும் நாலாதே முன்பு போலே தன்தன் இடத்திலே கிடக்கும்படி. இவன் பெரிய ²யானைத் தொழிலைச் செய்யாநிற்கச் செய்தேயும், முன்பு போலே ஒரு குறை அற, உண்பார் உடுப்பாராய்ச் செல்லுகிறபடி. ³ஆதாரமானவன் கூட நிற்கையாலே இவற்றுக்கு

______________________________________________________________

1. ‘அப்பன் ஊன்றி இடந்து எயிற்றில் கொண்ட நாள்’ என்பதனைக்
  கடாட்சித்து அவதாரிகை அருளிச்செய்கிறார்.

2. யானைத்தொழில் - மனிதச் செயலுக்கு அப்பாற்ப்பட்ட செயல். முன்பு
  போலே - படைப்புக்காலம் போலே.

3. ‘அவ்வாறு செல்லுவதற்குக் காரணம் என்?’ என்ன, அதற்கு விடை
  அருளிச்செய்கிறார், ‘ஆதாரமானவன்’ என்று தொடங்கி.