வி-கு : ஆண்-ஆண் தன்மை. ஏண்-வலியுமாம். கையறை-அணிவகுத்தல்.

    ஈடு : ஐந்தாம் பாட்டு. ¹பாரதப் போர்ச் செயலை அருளிச்செய்கிறார்.

    ஊணுடை மல்லர் ததர்ந்த ஒலி - ²ஏற்றிலக்கை பெற்று உண்கிற மிடுக்கையுடையரான துரியோதனன் சேனை தேர்க்காலிலே நெரிந்த ஓசை. மல் என்பது மிடுக்கு; ‘மிடுக்கையுடைய சேனை’ என்றபடி. அன்றிக்கே, ‘மல்லர்க்கு மிடுக்கு உண்டாகைக்காக மது மாமிசங்களை உண்பித்து ஆட்டத்து வெளியிலே நிறுத்தினான் ஆயிற்று நலிகைக்காக: அதனை அறிந்து பையல்களைத் தேர்காற்கீழே இட்டு நெரித்த ஓசை’ என்னுதல். வலியைப் போரப் பொலியச் சொல்லி வைத்து, ‘ததர்ந்த’ என்கிறார்காணும், ³பசளைக்கலம் நெரித்தாற்போலே வருத்தம் இன்றியே நெரித்தபடியைப் பற்ற. மன்னர் ஆணுடைச் சேனை நடுங்கும் ஒலி - அரசர்களுடைய ஆண் பிள்ளைத்தனத்தையுடைத்தான சேனை ‘கிருஷ்ணன் சாரதியாக ஏறினான்’ என்று கேட்ட வாறே ‘நாம் முடிந்தோம் அன்றோ?’ என்று அவ்வளவில் குடல் குழம்பிக் கூப்பிட்ட ஒலி. ⁴ஆண் பிள்ளைகளான வீடுமன் துரோணன் முதலாயினோர்கள் அன்றோ தூசி ஏறின பேர்?

    விண்ணுள் ஏணுடைத்தேவர் வெளிப்பட்ட ஒலி - ⁵சர்வேஸ்வரனோடு ஒக்க இன்னார் இன்னார் என்னும்படி தங்கள் தங்களைச் சமையவிட்டுக்கொண்டு செருக்கினையுடைவர்களாய் ஒரோ இருப்பிடங்களையுடையவர்களாய் இருக்கிற தேவர்களின் கூட்டம்

______________________________________________________________________

1. ஈற்றடியைக் கடாட்சித்து அவதாரிகை அருளிச்செய்கிறார்.

2. ‘மல்லர்’ என்பதற்கு ‘மிடுக்கையுடையவர்கள்’ என்பதும் ‘வீரர்கள்’ என்பதும்
  இரண்டு பொருள். இவ்விரண்டு பொருளையும் முறையே அருளிச்செய்கிறார்,
  ‘ஏற்றிலக்கை’ என்று தொடங்கியும், ‘மல்லர்க்கு’ என்று தொடங்கியும், ஏற்றிலக்கை
  -உயர்ந்த சம்பளம். ஆட்டத்து வெளி-வையாளி விடுகிற வெளி.

3. பசளைக்கலம்-பச்சைப்பானை.

4. ‘‘ஆணுடை’ என்றது யாரை?ய என்ன, அதற்கு விடை அருளிச்செய்கிறார், ‘ஆண்
  பிள்ளைகளான’ என்று தொடங்கி. தூசி-முன்னணி.

5. ‘ஏண்’ என்றதற்கு, ‘உயர்வு’ என்பதும், ‘எண்ணுதல்’ என்பதும் இரண்டு பொருள்.
  அவ்விரண்டு பொருளையும் அருளிச்செய்கிறார், ‘சர்வேஸ்வரனோடு’ என்று
  தொடங்கியும், ‘அவன் பிரமன்’ என்று தொடங்கியும். சமையவிட்டுக்கொண்டு -
  புண்ணிய விசேடத்தாலே ஆக்கிக்கொண்டு. என்றது, ‘உயர்ந்தவராகச்
  செய்துகொண்டு’ என்றபடி.