பொய்யை...ஆட்பட்டு - இஃது நாயனாரது சிறப்பு; தன் அடியான் வர -
தமது ஏவலளாயிருந்தவன் சிவனடியார் திருவேடத்தினைத் தாங்கி வரவும்; தான்
அவரது கால்கழுவ நீர்வார்க்காது விட; வெள்கி - வெள்கியதால்; மனைவி - மனைவி
நீர்வாராவிட என்றும், மனைவி கையினை என்றும் இருவழியும் கூட்டி உரைக்க
இடையில் வைத்தார்; கலிக்கம்பனே - கைதடிந்தவன் என்று கூட்டுக.
 

     பெயரும் சரித வரலாறும் பண்பும் தொகைநூல் தொகுத்தது. ஊரும் பெயரும்
வரலாறும் பண்பும் வகைநூல் வகுத்தது. இவை விரிந்தவாறு விரிநூலுட் கண்டு கொள்க.
 

     விரி; 4012. (இ-ள்) உரிமை....மரபின் - உரிமையாகிய நல்லொழுக்கத்திற் சிறந்த
உயர்ந்த தொன்மையான மரபிலே; நீடும்மனை...தன்மையதாம் - நீடுகின்ற
இல்லறநெறியில் வாழும் குடிகள் தழைத்தோங்கும் தன்மையினையுடையதாகி; வரும்
மஞ்சு.......பெண்ணாகட மூதூர் - வருகின்ற மேகங்கள் தங்குதற் கிடமாகிய
மலர்ச்சோலைகள் பக்கங்களிற் சூழ்ந்த வளமுடைய புறம்பணைகளுடன், உலகம்
பெருமையினைப் பொருந்தவிளங்குவது மேற்குத் திசையில் உள்ள
திருப்பெண்ணாகடமென்னும் பழைய ஊர்.