வரது திருக்கோயிலின் உள்ளேயும் புறத்திலேயும் இரவிலும் நீண்ட பகற் போதிலும்
இடுகின்ற திருவிளக்குத் திருப்பணியின் அணியினை விளைத்தார். |
| 7 |
| இந்த இரண்டு பாட்டுக்களும் தொடர்ந்து ஒரு முடிபு கொண்டுரைக்க நின்றன;
முன் பாட்டினைத் தனிமுடிபாக வைத்து உரைப்பினு மிழுக்கில்லை. சொற்றொடர்பும்
பொருட்டொடர்பும் நோக்கி இவ்வாறுரைக்கப்பட்டது.
|
4027. (வி-ரை) குலத்தின் செய்தவம் - குலத்தவர் செய்த முன்னைத் தவம்
குலத்தின்மேல் லேற்றப்பட்டது; ஆகுபெயர்.
|
பெருஞ் செல்வத்து மீக்கூர - பெரிய செல்வம் மேலும் பெருகிவர.
|
தக்க புகழ்க் கலியனார் எனும் நாமம் தலைநின்றார் - கலியனார் என்ற
திருநாமத்துக் கேற்றபடி தகுந்த புகழுடன் சிறந்தார். கலியர் - கலியிற் சிறந்தவர். கலி
- வலிமை - வீரம்; புகழாவது - ஈகையால் வருவது. “ஈவார்மே னிற்கும் புகழ்” (குறள்);
தலை நிற்றல் - சிறந்து விளங்குதல்.
|
முக்கண் இறைவர் - சிவபெருமான்.
|
| உரிமைத் திருத்தொண்டு - தமது திருக்குலத்தோடு உரிமை பெற்று
வருவதாகிய திருத்தொண்டின் தொழில்.
|
நெறி முயல்வார் - நெறியின் கண் முயல்வார்; முயல்வார் - தொழில் செய்வார்
என்ற பொருளில் வந்தது.
|
முயல்வார் -அறிந்து - விளைத்தார் - என மேற்பாட்டுடன் முடிக்க;
|
அவதரித்து - என்பதும் பாடம். 6
|
4028. (வி-ரை) கோடி - பேரெண்; பல முடிபுகளையுடைய செல்வம்
என்றலுமாம். கோடி - முடிபு; முடிபுகளாவன உடைகள் - தனம் - தானியம் - வீடு -
மாடு முதலியன என்பன.
|
இப்படித்தாம் செல்வ நெறிப் பயன் அறிந்து - இவ்வாறாகத் தாம் பெற்ற
செல்வம் வந்த வழியின் பயனை அறிந்து; வந்த வழியாவது முன்பு சிவனைப் பூசித்த
நிலை என்பதாம். பயனாவது செல்வம் பெற்ற பயன் சிவனையும் அடியார்களையும்
பூசித்தலால் அழியும் பொருளை அழியாமற் செய்வது.
|
கொல்லை - முல்லை; இடபம் முல்லைக் குரியது. அல்லும் நெடும்பகலுந்
திருவிளக்கின் அணி விளைத்தார் - நாள் முழுதும் விளக்கிட்டனர் என்க. அல் -
இருள் - அதனையுடைய இரவுக்காகி வந்தது; நெடும் பகலில் விளக்கிடுதல்அணியின்
பொருட்டாம்; அல்லிற் போலவே நெடும் பகலிலும் இப்பெருந் திருக்கோயிலினுள்
திருவிளக்கின் உதவி வேண்டப் படுதல் இன்றும் காண உள்ள நிலை.
|
நெடும் பகல் - மக்கள் மிகவும் சஞ்சரிக்கும் கால நீட்டிப்புக் குறித்தது. அணி
விளக்குதல் - வரிசை பெற வேண்டுமிடத்து எரித்தல்.
|
புறம்பு விளக்கிடுதல் - இஞ்ஞான்று மலைநாட்டிற் காணவுள்ளது.
|
இடும் - எரிக்கும்;
|
எல்லை பல - எல்லையில்லார் - என்பனவும் பாடங்கள். 7
|
| 4029. | எண்ணிறிரு விளக்குநெடு நாளெல்லா மெரித்துவரப்
புண்ணியமெய்த் தொண்டர்செயல் புலப்படுப்பா ரருளாலே
உண்ணிறையும் பெருஞ்செல்வ முயர்த்தும்வினைச் செயலோவி
மண்ணிலவ ரிருவினைபோன் மாண்டதுமாட் சிமைத்தாக. 8
|