“வானந் துளங்கிலென் மண்கம்ப மாகிலென்...வேலைநஞ்சுண், டூனமொன்றில்லா
வொருவனுக் காட்பட்ட வுத்தமர்க்கே” (அரசு - திருவிருத்) என்ற திருவாக்கின்
கருத்துக் காண்க; நீற்று நெறியே சிவநெறியாதலின் சிவனுக்காட்பட்ட தன்மையினைத்
திருநீறுதரும் என்பதாம். இறைவர்களே - வித்தகர் என்க; வித்தகம் - ஞானம்;
அறிவின் மேன்மை. ஊழிதிரிதல் - காலநிலை மாறுபடுதல்; உலகம் இடத்தையும்,
ஊழி காலத்தையும் குறித்து நின்றன. விலகுதல் - தந்நிலையிற் றிரிந்து மாறுபடுதல்;
ஒருகால் - ஒருகாலும்; அலகில் பெருங்குணம் - அளக்கலாகாத எண்குணங்கள்;
அடிக்கீழ் இலகு வெண்ணீறு - “திருவடி நீறெனைப் பூசு” (அரசு - தேவா.) உள் -
உள்ளம்; விதி - தன்மை.