| உ
சிவமயம்
திருச்சிற்றம்பலம்
|
| 68. கோச்செங்கட் சோழ நாயனார் புராணம்
_ _ _ _ _
|
| தொகை
|
| | | “தென்னவனா யுலகாண்ட செங்கணார்க் கடியேன்” | |
| - திருத்தொண்டத் தொகை - (14)
|
| வகை
|
| | மைவைத்த கண்ட னெறியன்றி மற்றோர் நெறிகருதாத்
தெய்வக் குடிச்சோழன் முன்பு சிலத்தியாய்ப் பந்தர்செய்து
சைவத் துருவெய்தி வந்து தரணிநீ டாலயங்கள்
செய்வித் தவன்றிருக் கோச்செங்க ணானெனுஞ் செம்பியனே.
| |
| | செம்பொன் னணிந்துசிற் றம்பலத் தைச்சிவ லோகமெய்தி
நம்பன் கழற்கீழிருந்தோன் குலமுத லென்பர்நல்ல
வம்பு மலர்த்தில்லை யீசனைச் சூழ மறைவளர்த்தான்
நிம்ப நறுந்தொங்கற் கோச்செங்க ணானெனு நித்தனையே.
| |
| - திருத்தொண்டர் திருவந்தாதி - (81- 82)
|
| விரி
|
| 4197. | துலையிற் புறவி னிறையளித்த சோழ ருரிமைச் சோணாட்டில்
அலையிற் றரள மகிலொடுசந் தணிநீர்ப் பொன்னி மணிகொழிக்குங்
குலையிற் பெருகுஞ் சந்திரதீர்த் தத்தின் மருங்கு குளிர்சோலை
நிலையிற் பெருகுந் தருமிடைந்த நெடுந்தண் கான மொன்றுளதால். 1
|
புராணம் ;- இனி, நிறுத்த முறையானே, ஆசிரியர், பன்னிரண்டாவது
மன்னியசீர்ச் சருக்கத்துள், நான்காவது கோச்செங்கட்சோழ நாயனாரது புராணங்கூறத்
தொடங்குகின்றார். கோச்செங்கட்சோழரது வரலாறும் பண்பும்கூறும் பகுதி.
|
தொகை ;- பாண்டிய அரசருமாயிருந்து உலகத்தை ஆண்ட கோச்செங்கட்
சோழருக்கும் நான் அடியேன்.
|
தென்னவனுமாய் - என்க. சோழாராயிருந்து சோழ நாட்டினை ஆண்டதுடன்
தென்னவனுமாய் என்று இறந்தது தழுவிய எச்சவும்மை விரிக்க. இவர் பாண்டிய
நாட்டையும் தம் அடிப்படுத்தி ஆண்டனர் என்பது சரிதவரலாறு. இதுபற்றியே
வகைநூலுள் “நிம்ப நறுந்தொங்கல்” என்று பாண்டியர்க்குரிய வேப்பமாலை
|