66. திருவாவடுதுறை பதிக வரலாறு: சுந்தரர், திருஅரிசிற்கரைப்புத்தூர் தொழுது பல பதிகளையும் வணங்கிக்கொண்டு திருவாவடுதுறை யடைந்து வலங்கொண்டு இறைஞ்சி, கோச்செங்கட் சோழரையும் சிறப்பித்துப் பாடியருளியது இத் திருப்பதிகம். (தி. 12 பெரிய. புரா. ஏயர்கோன். புரா. 93) குறிப்பு: இத்திருப்பதிகம், மேலைத் திருப்பதிகத்தொடு ஒத்தது. பண்: தக்கேசி பதிக எண்: 66 திருச்சிற்றம்பலம் | 672. | மறைய வன்ஒரு மாணிவந் தடைய | | வார மாய்அவன் ஆருயிர் நிறுத்தக் | | கறைகொள் வேலுடைக் காலனைக் காலாற் | | கடந்த காரணங் கண்டுகண் டடியேன் | | இறைவன் எம்பெரு மான்என் றெப்போதும் | | ஏத்தி ஏத்திநின் றஞ்சலி செய்துன் | | அறைகொள் சேவடிக் கன்பொடும் அடைந்தேன் | | ஆவ டுதுறை ஆதிஎம் மானே. | | 1 |
1. பொ-ரை: திருவாவடுதுறையில் எழுந்தருளியுள்ள, எங்கள் முதற்கடவுளே, உன்னை, அந்தணனாகிய பிரமசாரி ஒருவன் அன்புடன் வந்து அடைய, அவனது அரிய உயிரைப் போகாது நிறுத்த வேண்டி, உதிரத்தைக் கொண்ட சூலத்தையுடைய இயமனைக் காலால் உதைத்துக்கொன்ற காரணத்தை உணர்ந்து உணர்ந்து, அடியேன், 'யாவர்க்கும் முதல்வன்; எமக்குப் பெருமான்' என்று எப்பொழுதும் துதித்துத் துதித்து, அஞ்சலி கூப்பிநின்று, கழலும் சிலம்பும் ஒலித்தலைக் கொண்ட உனது செவ்விய திருவடியிடத்துக் கொண்ட அன்போடும் வந்து அடைந்தேன்; என்னை ஏற்றுக் கொண்டருள். கு-ரை: "காரணம்" என்றது, திருவருளை, அடுக்குக்கள், பன்மை குறித்தன. "நின்று" என்றதனை, "அஞ்சலி செய்து" என்றதன் பின் கூட்டுக. 'கழலும் சிலம்பும்' என்பது, ஆற்றலான் வந்தது. 'எங்கள்
|