21. ஏர்-அழகு, ‘‘கற்பகம் ஒத்து’’ என்றது எண்ணின் கண் வந்த
எச்சமாகலின், ‘கற்பகம் ஒத்தவனும், இருபுருவமும், மூன்று கண்களும்
உடையவனும் ஆகிய உனது’ என உரைக்க. சிலைப்
புருவம்-வில்போலும் புருவம். ‘‘ஆயிரம், நூறாயிரம் என்றது.
அளவின்மை குறித்தவாறு. ‘‘பிதற்றும்’ என்றது, அன்பு மீதூர்ந்து
சொல்லும்’ என்றபடி, ‘‘பெரும்பித்தர் கூடிப் பிதற்றும் அடி’‘ (
திருமுறை-6-6.4.) ‘‘பித்தில னேனும் பிதற்றில னேனும்
பிறப்பறுப்பாய்எம் பெருமானே’’ (திருவாசகம்-எண்ணப் பதிகம்-4)
என்றாற்போல வருவன பலவுங்காண்க. ‘‘நீர்கொள் சடை’’ என்றது,
உடம்பொடு புணர்த்தலாகலின், நீரும் தனித்தெண்ணப்படும். ‘‘சடை’’
என்றதனையும் செவ்வெண்ணாக்கி ‘அதன்கண்வாழ் புதுமதி’ என
உரைக்க. மத்தம்-ஊமத்த மலர். நிகழ்ந்த-உலவலாயின. 22. ‘மிகை செய்த’ என்னும் பொருட்டாகிய ‘மிக்க’ என்பதன் ஈற்று
அகரம் தொகுத்தல் பெற்றது. ‘‘கடைக் கணித்தவன்’’ என்றது.
இடவழுவமைதி. ‘கடைக்கணித்தவன் தொண்டர்’’ என இயையும்.
அல்லா-நன்றல்லாத. பிறிந்த-நீங்கிய; என்றது. ‘நன்மனம் பெற்ற’
என்றவாறு. இதற்குப் பிறவாறும் உரைப்ப. ‘சிவப்பெருந்தொண்டர் |