4. கோயில்-‘‘இணங்கிலா ஈசன்’’

பண்-காந்தாரம்

திருச்சிற்றம்பலம்
 

35.

36.

இத்திருப்பதிகம்,     தில்லைப்     பெருமானிடத்தும்,    அவன்
அடியாரிடத்தும் அன்பு செய்யமாட்டாதவரது  இழிபுணர்த்தி, அவரைக்
காணுதலும், அவரொடு பேசுதலும் ஆகாமையை உணர்த்தியருள்கின்றது.

35.  இணங்கு-ஒப்பு. ‘சித்தத்தினேற்குக் கண் காணா; வாய் பேசாது’
என இயையும். எனவே, இஃது ஏனைத்  திருப்பாட்டுக்களினும் சென்று
இயைவதாதல் அறிக. மணங்கொள்-பல விழாக்களைக்கொண்ட ‘தில்லை
வாணனது   மணத்தை   (கூட்டத்தை)ப்   பெற்ற   அடியார்’  என்க.
வண்மை-வளப்பம்;   சிறப்பு.  வீறுஇல்-பெருமை  இல்லாத,  ‘கோரம்’
என்பதில்,   ரகரம்   றகரமாயும்,   அகரமாயும்    திரிந்து  நின்றன.
கோரம்-கொடுமை.   பீறல்  பிண்ட-ஓட்டை   உடம்பையுடைய. உயிர்
வாழ்தலால்  பயன்  இன்மையின்,  ‘‘பிணங்கள்’’  என இகழ்கின்றவர்,
அக்காரணத்தானே     உடம்பின்      இயல்பை   விதந்தோதினார்.
பிதற்றுதலுடைமை பற்றி, ‘பேய்கள்’ என்றார்.

36.    ஈண்டு சோதி-மிக்க ஒளி;  இஃது ‘‘இலங்கு’’ என்பதனோடு
முடியும்.    அலங்கல்-மாலை;    என்றது    பொன்னரி  மாலையை;
இதனையுடையது தில்லை. தூர்த்த வார்த்தை-