முதற்பாகம்
 

           தருமமும் பொறையு மறிவுமற் றறிந்துன்

               றன்னையு மென்னையு மறியப்

          பெருவரந் தருவா யாதிநா யகனே

               பேதியாச் சோதிமா முதலே.

3

பதவுரை 

     ஆதி நாயகனே - பிரதானமான நாயகனே, சோதி மாமுதலே - பிரகாசத்தை யுடைய மகத்தாகிய யாவற்றிற்கும் முதன்மையனான ஹக்கு சுபுகானகு வத்தஆலாவே, இருவிழிசிவந்து - இரண்டு கண்களும் செந்நிற மடைந்து, கனல்பொறிதெறிப்ப - நெருப்புப் பொறிகள் தெறிக்கும் வண்ணம், எடுத்த கை கதையினால் - கைகளிற்றாங்கிய தண்டாயுதத்தினால், உறுக்கி வரும் - அதட்டிக் கொண்டு வராநிற்கும், அவர் எதிர் நின்று - முன்கர் நக்கீராகிய அவர்கள் முன்னால் நின்று, ஒரு மொழிகேட்ப - ஒரு வார்த்தையை வினவ, மறுமொழி - அதற்கு மறுவார்த்தை, கொடுத்திட அறியேன் - கொடுக்க வுணர்ந்திலன், தருமமும் பொறையும் - புண்ணியத்தையும் பொறுமையையும், அறிவும் மற்று அறிந்து - ஞானத்தையும் தெரிந்து, உன் தன்னையும் என்னையும் அறிய - உன்னையும் என்னையும் அறிவதற்கு, பெருவரம் தருவாய் - பெரிய வரத்தை யருளுவாய்.

பொழிப்புரை