பைம்பூம்பள்ளி - காட்சிக்கு இனியதாய்க் குளிர்ந்து பரந்த பூக்களாலே செய்யப்பட்ட படுக்கையிலே. ‘அவன் இப் படுக்கையிலே வைத்துத் ‘திருவருள் பணிமின்’ என்றால், அவர்கள் செய்வது என்?’ என்னில், அணி மென்குழலார் - அவன் கொண்டாடுகிற கொண்டாட்டத்தில் விருப்பம் இன்றி, ஆபரணத்தைத் திருத்துவது குழலைப் பேணுவது ஆகாநிற்பர்கள். இன்பக்கலவி அமுது உண்டார் - அவர்களுடைய ¹அந்த ஊடலை முதலாகக் கொண்டதான கலவியால் வந்த ஆனந்த அமிருதத்தை உண்டவர்கள். அன்றிக்கே, ²‘விருப்பம் இன்மையாகிற அமிருதத்தை உண்டவர்கள்’ என்னுதல். ³‘அல்லி மலர் மகள் போக மயக்குகளைப் பின்பற்றுகிறார்கள்’ என்பதனைத் தெரிவித்தபடி.

    ⁴வேறு ஒருவன் வந்து அவர்களைக் கொண்டு சென்று இன்பக்கலவி அமுது உண்ணாநிற்குமோ? இவன் பின்னைத்

_____________________________________________________

1. ‘ஊடல் உணர்தல் புணர்தல் இவைகாமம்
  கூடியார் பெற்ற பயன்.’
  ‘ஊடுதல் காமத்திற் கின்பம்; அதற்குஇன்பம்
  கூடி முயங்கப் பெறின்.’

2. ‘உணலினும் உண்டது அறலினிது; காமம்
  புணர்தலின் ஊடல் இனிது.’
  ‘ஊடிப் பெறுகுவங் கொல்லோ நுதல்வெயர்ப்பக்
  கூடலிற் றோன்றிய உப்பு!’

  என்னும் குறட்பாக்களை இங்கு நினைவு கூர்க.

3. திருவாய்மொழி, 3. 10 : 8.

4. மேலே கூறப்போகும் விஷயத்திற்கு அவதாரிகை அருளிச் செய்கிறார்,
  ‘வேறு ஒருவன்’ என்று தொடங்கி.