பார்த்திருப்பார் பலர் உளர் ஆனால், அவர்களிலே ¹சிலவர் இவனோடே கைசெய்து, அவனுக்குள்ள ²உடலையும் தாங்கள் கண்டபடி அழித்து நீக்கியுள்ள உடலையும் கூறிட்டு, தாங்களே கொண்டுவிட்டால், மற்றுள்ளார் கதகத எனச் சொல்ல வேண்டா அன்றோ? ³இவர்கள்தாம் நுனியாடிகள் அலரோ? ⁴இப்படி இவர்கள் தாமேயாவது என், நாம் இருக்க?’ என்று திவ்விய ஆயுதங்கள் கிளர்ந்தன ஆயிற்று. மணி நீல வளர் ஒளியான் - நீலமணி போலே வளராநின்றுள்ள ஒளியையுடையவன். கை மேலே ⁵இலக்கைப் பெறாதார்க்கு நாடோறும் படி விட வேண்டுமே அன்றோ? படி விடாத போது அரைக்கணமும் நில்லார்களே அவர்கள். இவர்கள் விருத்தவான்கள் ஆகையாலே அன்றோ கைமேலே இப்படிப் பெற்று வாழ்கிறார்கள்? ‘படி கண்டறிதியே’ என்னக் கடவதன்றோ?

_____________________________________________________

1. ‘அழுதனர் சிலவர்; முன்னின் றார்த்தனர் சிலவர்; அண்மித்
  தொழுதனர் சிலவர்; ஆடித் துள்ளினர் சிலவர்; அள்ளி
  முழுதுற விழுங்கு வார்போல் மொய்த்தனர் சிலவர்; சுற்றும்
  தழுவினர் சிலவர்; கொண்டு சுமந்தனர் சிலவர் தாங்கி.’

  என்பது கம்பராமாயணம், திருவடி தொழுத பட. 4.

2. உடல் - செல்வமும், சரீரமும். கண்டபடி - கண்ட பிரகாரம். ‘கிழித்து’
  என்பதற்கு ‘அழித்து’ என்பதும், ‘இரண்டு கூறாக்குதல்’ என்பதும் பொருள்.
  ‘கூறிட்டு’ என்பதற்குக் ‘கண்டித்து’ என்பதும், ‘கூறு செய்து’ என்பதும்
  பொருள். ‘தாங்களே’ என்றது, நகங்களை. ‘மற்றுள்ளார்’ என்றது,
  திருவாழியாழ்வான் தொடக்கமானாரை. கதகத என - ‘கோபிக்க’ என்பதும்,
  ‘ஒளிசெய்ய’ என்பதும் பொருள்.

3. ‘இவர்கள் சீறுதற்குக் காரணம் என்?’ என்ன, ‘இவர்கள் தாம்’ என்று
  தொடங்கி அதற்கு விடை அருளிச்செய்கிறார். ‘நுனியாடிகள்’ என்றது,
  சிலேடை: ‘கையின் முன்னிடத்திலிருப்பவர்’ என்பதும், ‘சேனையின்
  முன்னிடத்திலிருப்பவர்’ என்பதும் பொருள்.

4. ‘கிளர்’ என்றதற்கு, பாவம் அருளிச்செய்கிறார், ‘இப்படி’ என்று தொடங்கி.
  ‘தாமேயாவது என்?’ என்றது, ‘நாங்கள்தாமே கூறிட்டுக்கொள்கிறபடி எப்படி?’
  என்றபடி.

5. இலக்கு - மாத ஜீவனமான பணமும், இலட்சியமும். படி - அரிசிப் படியும்,
  திருமேனியும், என்றது, ‘கைமேலே இருந்து வைத்து இலட்சியம்
  பெறாதார்க்குச் சந்தோஷத்தையுண்டாக்குவதற்காகத் திருமேனியைக் கொடுக்க
  வேணுமேயன்றோ?’ என்றபடி. ‘படி’ என்பது, திருமேனி என்ற பொருளைக்
  காட்டுவதற்கு மேற்கோள், ‘படி கண்டறிதியே’ என்பது, முதல் திருவந். 85.