பூதங்கள் - ¹“மேகஸ்யாமம் - நீருண்ட மேகம்போல் கரிய” என்கிற வடிவைக் காட்டி என்னை எழுதிக் கொண்டாற் போன்று, எழுதிக்கொள்ளும் சிரமஹரமான வடிவிலே தோற்று இருக்கும் ஸ்ரீ வைஷ்ணவர்கள். மண்மேல் இரியப் புகுந்து - ²பெரிய ஆரவாரத்தோடே சஞ்சரிப்பது நித்திய விபூதியிலே யன்றோ; சம்சாரத்திலே ஆரவாரத்தோடே புகுந்து. இசை பாடி-பகவானை அநுபவிப்பதனால் உண்டாகும் பிரீதியாலே பாடி. எங்கும் இடம் கொண்டனவே - எங்கும் தங்களுக்கு இடமாகக் கொண்டார்கள். புறச் சமயத்தாருக்கும் குத்ருஷ்டிகளுக்கும் இடம் இல்லாதபடி ³சிஷ்யர்களும் சிஷ்யர்களுக்குச் சிஷ்யர்களுமாக எங்கும் பரந்தார்கள். ⁴“வாநரங்களால் சூழப்பட்டுள்ள மதில் அகழி இவற்றின் பிரதேசங்களை, வானரங்களால் செய்யப்பட்டதுபோல் இருக்கிற பிராகாரமாக அரக்கர்கள் கண்டார்கள்” என்கிறபடியே, பிரதிகூலர்க்கு இடம் இல்லாதபடி ஆயிற்று என்றபடி.

(3)

_____________________________________________________

1. திருமேனிக்கு உவமை சொல்லுமிடத்து இரண்டனுள் ஒன்றனைக் கூறாது,
  முகில், கடல் என்னும் இரண்டனையும் சொல்லுவான் என்? என்னும்
  சங்கையிலே முன்னையதைத் திருஷ்டாந்தமாக்கி அருளிச்செய்கிறார்
  ‘மேகஸ்யாமம்’ என்று தொடங்கி.

  “மேகஸ்யாமம் மஹாபாஹீம் ஸ்திரசத்வம் த்ருடவிரதம்
   கதா த்ரக்ஷ்யா மஹோராமம் ஜகத: சோகநாசனம்”

  என்பது, ஸ்ரீராமா. அயோத். 83 : 8.

2. “மண்மேல்” என்பதற்கு, பாவம் அருளிச்செய்கிறார் ‘பெரிய ஆரவாரம்’
   என்று தொடங்கி.

3. “கொண்டன” என்ற பன்மையின் பொருளை விரிக்கிறார் ‘சிஷ்யர்களும்’
   என்று தொடங்கி.

4. பரந்ததற்குத் திருஷ்டாந்தம் காட்டுகிறார் ‘வானரங்களால்’ என்று தொடங்கி.

  “கிருத்ஸ்நம் ஹி கபிபி; வியாப்தம் பிராகார பரிகாந்தரம்
   தத்ருஸூ ராக்ஷசா தீநா: பிராகாரம் வாநரீகிருதம்”

   என்பது, ஸ்ரீராமா. யுத். 41; 97.