நாட்டிற்பிறந்தவர் - ¹இப்பாசுரத்தில், ‘திருவயோத்தியிலுள்ளாரை இராம குணங்களையே தாரகராம்படி செய்த அளவையோ, நாட்டிலுள்ளாருடைய விரோதிகளைப் போக்கிக் காப்பாற்றும் விதம் உயர்ந்தது இல்லையோ?’ என்கிறார். நாட்டிற்பிறந்தவர் - ²‘நாட்டிற் பிறவாதார் இலரே அன்றோ? ஆயின், ‘நாட்டிற்பிறந்தவர்’ என்றதற்குப் பொருள்தான் யாதோ?’ எனின், இராம குணங்கள் நடையாடும் இடத்திலே பிறந்தவர்கள் என்கிறது. ³பெருமாளுடைய எல்லை இல்லாத இடம் இல்லை அன்றோ? ‘மலைகளும் வனங்களும் காடுகளும் ஆகிய இவற்றோடு கூடிய இந்தப் பூமி இட்சுவாகு குலத்து அரசர்களைச் சேர்ந்தது.’ என்கிறபடியே. ⁴‘விதிக:ஸஹி தர்மஜ்ஞ:- ‘இராவணா!! பெருமாளுடைய குணங்கள் கேட்டு அறியாயோ?’ என்றாள் அன்றோ? ⁵அந்தக் குணங்கள் நடையாடாதது ஓரிடம் உண்டானால் அன்றோ, அவ்விடம் இவர் எல்லை அன்றிக்கே இருப்பது? ⁶நாட்டில் பிறக்கையாவது, அவருடைய எல்லைக்குள்ளே

_____________________________________________________________________

1. முதல் திருப்பாசுரத்தில் கூறிய குணத்தைக்காட்டிலும் இத்திருப்பாசுரத்தில்
  கூறப்படுகின்ற குணம் உயர்ந்தது என்கிறார், ‘இப்பாசுரத்தில்’ என்று தொடங்கி.

2. ‘நாட்டிற்பிறவாதார் இவரே அன்றோ?’ என்றது, ‘சேதாநராகில் யாதாயினும் ஒர்
  ஊரில் பிறவாமல் இருப்பதற்கு இல்லை அன்றோ?’ என்றபடி.

3. ‘நன்று; இராமகுணங்கள் நடையாடுகிற இடம் என்ன வேண்டுமோ? பெருமாளுடைய
  தேசத்திலே பிறந்தவர்கள் என்ன ஒண்ணாதோ?’ என்ன, ‘அங்ஙனம் கூறின்,
  அதற்குக் குற்றம் உண்டு’ என்கிறார், ‘பெருமாளுடைய’ என்று தொடங்கி.

    ‘இக்ஷ்வாகூணாம் இயம்பூமி; ஸஸைலவநநாநநா
    ம்ருக பக்ஷி மநுஷ்யாணாம் நிக்ரஹ ப்ரக்ரஹாவபி’

என்பது, ஸ்ரீராமா. கிஷ். 18 : 6. இது வாலியைப் பார்த்து ஸ்ரீராமபிரான் கூறியது.

4. ‘இராமகுணங்கள் நடையாடும் இடத்திலே பிறந்தவர்கள் என்று கூறுவதற்கும்
  குற்றம் உண்டு’ என்கிறார், ‘விதித;’ என்று தொடங்கி. என்றது, ‘பகைவர்கள்
  கூட்டத்திலும் இவர் குணங்கள் நடையாடுகையாலே இப்பொருளும் பொருந்தாது,’
  என்றபடி. ‘விகித: ஸஹி தர்மஜ்ஞ: ஸரணாகத வத்ஸல:’ என்பது, ஸ்ரீராமா.
  சுந். 21 : 20. இஃது இராவணனைப் பார்த்துப் பிராட்டி கூறியது.

5. மேலே கூறிய குற்றங்கள் இரண்டனையும் சேரப்பிடித்து அருளிச்செய்கிறார்,
  ‘அந்தக் குணங்கள்’ என்று தொடங்கி.

6. ‘நாட்டில் பிறந்தவர்’ என்பதன் கருத்துதான் யாதோ?’ எனின், அருளிச்செய்கிறார்,
  ‘நாட்டில் பிறக்கையாவது’ என்று தொடங்கி.