3867.	முருகமர் பொழிலணி முதுகுன்ற மேவிய
	உருவமர் சடைமுடி யீரே உருவமர் சடைமுடி யீருமை யோதுவார் திருவொடு தேசினர் தாமே.                  4

     4. பொ-ரை: வாசனை பொருந்திய சோலைகள் அழகு
செய்கின்ற திருமுதுகுன்றம் என்னும் திருத்தலத்தில் விரும்பி
வீற்றிருந்தருளுகின்ற, அழகு பொருந்திய சடைமுடியினையுடையவரே!
அழகு பொருந்திய சடைமுடியினை உடையவராகிய உம்மைப் போற்றி வணங்குபவர்கள் செல்வமும், புகழும் உடையவர்.

     கு-ரை:முருகு - வாசனை, உரு அமர் - அழகு பொருந்திய.
திரு - ஐசுவரியம். தேசு - தேஜஸ், புகழ்.