2936.	வெள்ளெயி றுடையவவ் விரவ லார்களூர்
	ஒள்ளெரி யூட்டிய வொருவ னாரொளிர் புள்ளணி புறவினிற் பூந்த ராய்நகர்க் கள்ளணி குழலுமை கணவர் காண்மினே.      5

     5. பொ-ரை: வெண்ணிறப் பற்களையுடைய அசுரர்களின்
திரிபுரங்கள், ஒளி பொருந்திய நெருப்பால் எரிந்து சாம்பலாகுமாறு
செய்தவர் சிவபெருமான். மின்னுகின்ற பறவைகளை உடைய
திருப்பூந்தராய் என்னும் திருத்தலத்தில் வீற்றிருந்தருளும்
அப்பெருமானார் தேன்கமழும் கூந்தலையுடைய உமாதேவியின்
கணவராவார். அப்பெருமானாரைத் தரிசித்துப் பிறவிப் பயனைப்
பெறுங்கள்.

     கு-ரை: வெள் எயிறு உடைய-அரிய உடம்பில் வெள்ளைப்
பற்கள் மிக வெண்மையாய்த் தோன்றுகையால் வெள் எயிறு உடைய.
புறவு-பன்னிரு பெயர்களுள் ஒன்று. ஊரை எரியூட்டிய ஒருவனார்.
ஒளிர்-மின்னுகிற. புள்-பறவை.