2971.	இறையுறு வரிவளை யிசைகள் பாடிட
	அறையுறு கழலடி ஆர்க்க ஆடுவர் சிறையுறு விரிபுனல் சென்னி யின்மிசைக் குறையுறு மதியினர் கொள்ளிக் காடரே.      7

     7. பொ-ரை: திருக்கையில் விளங்கும் அழகிய
வளையல்களையுடைய உமாதேவி இசைபாட, திருவடிகளில்
விளங்கும் வீரக்கழல்கள் ஒலிக்க, இறைவர் திருநடனம் புரிகின்றார்.
அப்பெருமான் பாய்கின்ற கங்கையைத் தடுத்துச் சடையில் தாங்கி,
கலைகுறைந்த சந்திரனையும் தலையில் சூடி, திருக்கொள்ளிக்காடு
என்னும் திருத்தலத்தில் வீற்றிருந்தருளுகின்றார்.

     கு-ரை: இறை - முன்கை. உறும் - பொருந்திய. வரிவளை
-கீற்றுக்களையுடைய வளையலையணிந்த உமாதேவியார். வரிவளை
என்பது அன்மொழித்தொகை. அறைஉறு-ஒலித்தலையுடைய. சிறை
உறு-தடுக்கப்படுதலையுடைய. குறையுறுமதி - கலை குறைந்த
சந்திரன்.