1. பொ-ரை: நறுமணம் கமழும் கூந்தலையுடைய உமா
தேவியை ஒருபாகத்தில் கொண்ட, நீண்ட சடையில் பாம்பணிந்த
சிவபெருமான் எழுந்தருளியுள்ள கோயில், குரவம், சுரபுன்னை,
கோங்கு, வேங்கை ஆகிய மரங்கள் நிறைந்து விளங்கும் சோலைகள்
சூழ்ந்த அழகிய திருவிசயமங்கை ஆகும்.

     கு-ரை: மரு - வாசனை. தெய்வக் கற்புடைய அம்பிகையின்
கூந்தல் இயற்கை மணம் கமழ்வது ஆதலால் “மரு அமர் குழல்
உமை” என்றார். வார்சடை ... ... எம் அடிகள் - நெடிய சடையின்
கண்ணே பாம்பையும் விரும்பத்தக்க கொன்றை மாலையையும்
உடைய எம் அடிகள். குரவும் ஏனைய மரங்களும் கலந்தபொழில்.