6. பொ-ரை: இறைவர் வீரக்கழல்கள் அணிந்த திருவடிகள்
உடையவர். சுடர்விட்டு எரியும் நெருப்பைக் கையில் ஏந்தியுள்ளவர்.
நீர்ச்சுழிகளையுடைய குளிர்ந்த கங்கையைச் சடையில் சூடி ஆடுவர்.
அப்பெருமானார், வேள்வித்தீ வளர்க்கும் அந்தணர்கள் வாழ்கின்ற
அம்பர் மாநகரில் அழகிய சோலைகளையுடைய நிழல்தரும் பெருந்
திருக்கோயிலில் வீற்றிருந்தருளுகின்றார்.

     கு-ரை: கழல்வளர் - கழலோசை மிகும், காலையுடையவர்.
சுடர் - நெருப்பு. சுழல்...புனல் - நீர்ச்சுழிகளையுடைய கங்கை
நீரைச், சூடி ஆடுவர். அழல் - நித்திய அக்கினி. நெடுநகர் -
பெருந்திருக்கோயில். நகர் - கோயில். “நடுவூர் நகர்செய்து
அடுபவம் துடைக்கும்” என்னும் கல்லாடத்தால் அறிக.