1. பொ-ரை: உமாதேவியைத் தன் திருமேனியில் ஒரு
பாகமாகக்கொண்டு, வண்டமர்கின்ற மலர்கள் உள்ள
சோலையுடைய அழகிய திருப்பூவணம் என்னும் திருத்தலத்தில்
வீற்றிருந்தருளுகின்ற, துன்பம்தரும் பகையசுரர்களின் மூன்று
கோட்டைகளையும் அம்பு எய்து அழித்த நாதனான சிவபெருமானின்
திருவடிகளைத் தொழ எல்லா நலன்களும் உண்டாகும்.

     கு-ரை: போது அமர்பொழில் - மலர்கள் உள்ள சோலை.
விரவலர் - பகைவர்களாகிய அசுரர்கள். அரணம் மூன்றும் எய்த
- மதில் மூன்றையும் எய்த (நாதன்).