3023.	ஊனுடைப் பிறவியை அறுக்க உன்னுவீர்
	கானிடை யாடலான் பயில்க ருக்குடிக் கோனுயர் கோயிலை வணங்கி வைகலும் வானவர் தொழுகழல் வாழ்த்தி வாழ்மினே.       4

     4. பொ-ரை: வினைப்பயனை அனுபவிக்க உடம்பெடுத்த
இப்பிறவியை ஒழிக்க நினைக்கும் மாந்தரீர்! சுடுகாட்டில் திருநடனம்
செய்யும் சிவபெருமான் வீற்றிருந்தருளுகின்ற திருக்கருக்குடி என்னும்
திருத்தலத்திலுள்ள உயர்ந்த கோயிலை வணங்கியும், நாள்தோறும்
வானவர்கள் தொழுகின்ற அப்பெருமானின் திருவடிகளை
வாழ்த்தியும் வாழ்வீர்களாக!

     கு-ரை: ஊன் - உடம்பு. அறுக்க - ஒழிக்க. உன்னுவீர் -
நினைக்கும் மாந்தரீர். கான் இடை ஆடலான் - சுடுகாட்டில்
ஆடுதலை யுடைவன். கழல் - திருவடி.