3060.	நெடியவன் பிரமனும் நினைப்பரி தாய்அவர்
	அடியொடு முடியறி யாஅழல் உருவினன் கடிகமழ் பொழில்அணி கழுமல வளநகர்ப் பிடிநடை யவளொடும் பெருந்தகை யிருந்ததே.     9

     9. பொ-ரை: நினைந்துருகும் தன்மையில்லாத திருமாலும்,
பிரமனும் அடிமுடி அறியாவண்ணம் சிவபெருமான் அழலுருவாய்
ஓங்கி நின்றனன். நறுமணம் கமழும் சோலைகளை உடைய
திருக்கழுமலம் என்னும் வளநகரில் பெண்யானையின் நடைபோன்று
விளங்கும் நடையை உடைய உமாதேவியோடு பெருந்தகையாகிய
சிவபெருமான் வீற்றிருந்தருளுகின்றான்.

     கு-ரை: நினைந்துருகும் தன்மையில்லாதவர்களாகிய பிரம
விட்டுணுக்களால் அறியமுடியாத அழல் உருவாய் நின்றவன்.
அரிது - இன்மைமேல் நின்றது. "மனக்கவலை மாற்றலரிது"
என்புழிப்போல. (திருக்குறள்).