5. பொ-ரை: சிவபெருமான் வெந்த திருவெண்ணீற்றினை
அணிந்த வேதநாயகர். கங்கையைச் சடைமுடியில் தாங்கியவர்.
அவர் அழியா அழகுடைய மலைமங்கையான உமாதேவியோடு
வீற்றிருந்தருளும் ஊர், நறுமணம் கமழும் மலர், அகில், பலவகை
மணிகள், சந்தனமரம் இவை வந்தடைகின்ற நீர்வளமிக்க
திருச்சக்கரப் பள்ளி என்பதாகும்.

     கு-ரை: விரிபுனல் - பரவும் நீர்வளம் பொருந்திய. ஊர் -
வேதியர் மலைமங்கையோடு அமரும் ஊர் என்க. சந்து - சந்தன
மரம். அந்தம் இல்அணி -பேரழகு; அழியா அழகு எனலும் ஆம்.
“அழியா அழகுடையான்” என வருதலும் காண்க. (கம்பராமாயணம்.)