9. பொ-ரை: இதழ்களையுடைய தாமரை மலரில் வீற்றிருக்கும்
பிரமனும், திருமாலும் அடிமுடி தேட, காண்பதற்கு அரியவராய்
விளங்கிய சிவபெருமான் வீற்றிருந்தருளும் இடம், ஒருபக்கம்
பனைமரங்களின் பழுத்த பழங்கள் உதிர மறுபக்கம் பசுமையான
சோலைகள் விளங்கும் சிறப்புடைய திருமழபாடி என்னும் திருத்தலம்
ஆகும்.

     கு-ரை: எழில் - அழகையுடைய. மால், பன்றி உரு
எடுத்தமையின் இங்ஙனம் கூறப்பட்டது. இகழ்ச்சிக்குறிப்பு. “எழில்
செய் கூகை” என்றார் சிந்தாமணியில். இனி, எழில்-கோலம்.
அச்சொல் பன்றியைக் குறிக்கும். ‘இலட்சிதலட்சணையால்’
எனக்கொண்டு அதற்கேற்ப அன்னமாகப் பிரமனும் (பன்றியாகத்
திருமாலும்) நாடினார்க்கு அறிதற்கரிதாயிருந்த நாதனார் எனலும்
ஆம். பக்கங்களிலெல்லாம் பனைமரங்கள் பழுத்துப் பழம்
உதிர்விக்கவும், மற்றப் பக்கங்களிலெல்லாம் பசிய சோலைகள்
வளம் மிகுவிக்கவும் பொருந்திய மழ பாடி, பழம் பழுத்தவுடனே
உதிர்தல் பனை மரத்துக் குண்மையால் ‘காகதாலியம்’ என
வடநூலார் கூறுவர்.