3120.	கோடல்சா லவ்வுடை யார்கொலை யானையின்
	மூடல்சா லவ்வுடை யார்முளி கானிடை ஆடல்சா லவ்வுடை யாரழ காகிய பீடர்கோ யில்அர தைப்பெரும் பாழியே.        3

     3. பொ-ரை: அடியவர்களின் வேண்டுதல்களை ஏற்று
இறைவர் அருள்புரிபவர். கொல்லும் தன்மையுடைய யானையின்
தோலை உரித்துப் போர்த்துக் கொண்டவர். அருவருக்கத்தக்க
சுடுகாட்டில் நடனம் புரிபவர். அழகிய பெருமையுடைய
அப்பெருமான் கோயில் கொண்டருளுவது திருஅரதைப்
பெரும்பாழியே.

     கு-ரை: கோடல் - பிச்சை கொள்ளுதல். மூடல் - போர்வை;
தொழிலாகுபெயர். முளிகான்-சுடுகாடு. பீடர்-பெருமையுடையவர்.