3123.	புற்றர வம்புலித் தோலரைக் கோவணம்
	தற்றிர வின்னட மாடுவர் தாழ்தரு சுற்றமர் பாரிடந் தொல்கொடி யின்மிசைப் பெற்றர்கோ யில்அர தைப்பெரும் பாழியே.     6

     6. பொ-ரை: புற்றில் வாழும் பாம்பையும், புலித்தோலையும்,
கோவணத்தையும் இடையில் அணிந்து, இரவில் நடனமாடும்
சிவபெருமான், பூதகணங்கள் சூழ்ந்து நின்று வணங்க இடபக்
கொடியுடையவர். அப்பெருமான் கோயில் கொண்டருளுவது
திருஅரதைப் பெரும்பாழியே.

     கு-ரை: தற்று - இடையில்உடுத்து, "மடிதற்றுத்தான் முந்துறும்"
என்பது திருக்குறள் 1023. இரவில் நடம் ஆடுவர். தாழ்தரு -
வணங்குகின்ற. துற்று அமர்(வன) பாரிடம் - சுற்றியுள்ளவை
பூதப்படை. அமர்; பகுதியே நின்று வினைமுற்றுப் பொருளுணர்த்
திற்று. "பெறுவது கொள்வாரும் கள்வரும் நேர்" என்ற திருக்குறளிற்
(813) போல. கொடியின் மிசைப் பெற்றதை உடையவர். பெற்று -
பெற்றம், விடை.