3168.	மாசுமெய் தூசுகொண் டுழல்சமண் சாக்கியர்
	பேசுமெய் யுளவல்ல பேணுவீர் காணுமின் வாசமார் தருபொழில் வண்டினம் மிசைசெயத் தேசமார் புகழ்மிகுந் திருமுது குன்றமே.        10

     10. பொ-ரை: அழுக்கு உடம்பையும், அழுக்கு
உடையையுமுடைய சமணர்களும், புத்தர்களும் கூறும் மொழிகள்
மெய்ம்மையானவை அல்ல. வாசனை பொருந்திய சோலைகளில்
வண்டினங்கள் இசைக்க, அழகும், புகழும் மிகுந்த திருமுதுகுன்றம்
என்னும் திருத்தலத்தைத் தரிசித்து, அங்குள்ள இறைவனைப்
போற்றி வழிபடுங்கள்.

     கு-ரை: மாசு - அழுக்கு. அச்சொல்லைத் தூசு என்ற
சொல்லினும் கூட்டி அழுக்கு உடம்பையும் அழுக்கு உடையையும்
உடைய என உரைக்க.