3185.	வரைதரு மகிலொடு மாமுத்த முந்திய
	திரைதரு முகலியின் கரையினிற் றேமலர் விரைதரு சடைமுடிக் காளத்தி விண்ணவன் நிரைதரு கழலிணை நித்தலும் நினைமினே.     5

     5. பொ-ரை: மலையில் வளரும் அகிலும் முத்துக்களும்
அலைகளால் தள்ளப்பட்டு வரும் பொன்முகலி ஆற்றின் கரையில்,
தேன் துளிக்கின்ற நறுமண மலர்களைச் சடைமுடியில் அணிந்து
விளங்கும், காளத்தியிலுள்ள தேவாதி தேவனாகிய சிவபெருமானின்
ஒலிக்கின்ற வீரக்கழல்களை அணிந்த திருவடிகளைத் தினந்தோறும்
நினைந்து போற்றி வழிபடுவீர்களாக.

     கு-ரை: வரை - மலை. அகில் - மரம். திரைதரு -
அலைகளால் தருகின்ற.

     முகலி - பொன் முகலியாறு. விரை - மணம். விண்ணவன் -
தேவாதி தேவனாகிய சிவபிரான். நித்தல் - நாள்தோறும்.