3268.	கொடிகொ ளேற்றினர் கூற்றை யுதைத்தனர்
	பொடிகொண் மார்பினிற் பூண்டதொ ராமையர் கடிகொள் பூம்பொழில் சூழ்கழிப் பாலையுள் அடிகள் செய்வன வார்க்கறி வொண்ணுமே.     3

     3. பொ-ரை: இறைவர் எருதுக் கொடியுடையவர். காலனைக்
காலால் உதைத்தவர். திருநீறு அணிந்துள்ள மார்பில் ஆமையின்
ஓட்டினை ஆபரணமாக அணிந்தவர். நறுமணம் கமழும்
பூஞ்சோலைகள் சூழ்ந்த திருக்கழிப்பாலையில் வீற்றிருந்தருளும்
அப்பெருமானின் செயல்களை யார்தான் அறிந்துகொள்ளமுடியும்?
ஒருவராலும் முடியாது.

     கு-ரை: கொடியின் கண் கொண்ட இடபத்தையுடையவர் -
இடபக்கொடியை உடையவர். ஆமை; ஆமையோட்டைக்
குறிப்பதால் முதலாகுபெயர். கடி - நறுமணம்.