3269.	பண்ண லம்பட வண்டறை கொன்றையின்
	தண்ண லங்க லுகந்த தலைவனார் கண்ண லங்கவ ருங்கழிப் பாலையுள் அண்ண லெங்கட வுள்ளவன் அல்லனே.

     4. பொ-ரை: பூக்களிலுள்ள தேனை உண்டதால் வண்டுகள்
பண்ணிசைக்கக் குளிர்ச்சி பொருந்திய கொன்றைமாலையை விரும்பி
அணிகின்ற தலைவரான சிவபெருமான் கண்ணைக் கவரும்
பேரழகினையுடைய திருக்கழிப்பாலையில் வீற்றிருக்கும்
அண்ணலாவார். அவரே எம் கடவுள் அல்லரே?

     கு-ரை: பண் - இசையின். நலம் - இனிமை. பட - பொருந்த.
வண்டு, அறை - பாடுகின்ற. (கொன்றை). அலங்கல் உகந்த - மாலை
விரும்பிய, தலைவனார். நலம் கண்கவரும் கழிப்பாலை - எனமாற்றி,
கண்ணைக் கவரும் பொலிவை உடைய கழிப்பாலை யென்க. நலம்
- பொலிவு