3275.	செய்ய நுண்டுவ ராடையி னாரொடு
	மெய்யின் மாசு பிறக்கிய வீறிலாக் கையர் கேண்மை யெனோகழிப் பாலையெம் ஐயன் சேவடி யேயடைந் துய்ம்மினே.         10

     10. பொ-ரை: சிவந்த மெல்லிய மஞ்சட் காவி உடைகளை
உடுத்தும் புத்தர்களோடும், அழுக்கு உடம்பை உடைய பெருமையற்ற
கீழ்மக்களாகிய சமணர்களோடும் நட்பு உங்கட்கு ஏனோ?
திருக்கழிப் பாலையில் வீற்றிருந்தருளும் எம் தலைவராகிய
சிவபெருமானுடைய சிவந்த திருவடிகளையே சரணாக அடைந்து
உய்தி பெறுங்கள்.

     கு-ரை: செய்ய - சிவந்த. நுண் - மெல்லிய. துவர்
ஆடையினார் - காவி உடையை உடைய புத்தர் (மெய்யில்
நீராடாமையால்) உடம்பில் அழுக்கு மிகுந்த. வீறு இலா -
பெருமையில்லாத. கையர் - வஞ்சகராகிய சமணர். வீறு - பெருமை.
கையர் - வஞ்சகர்.