3314.	நீடி னாருல குக்குயி ராய்நின்றான்
	ஆடி னானெரி கானிடை மாநடம் பாடி னாரிசை மாமழ பாடியை நாடி னார்க்கில்லை நல்குர வானவே.     6

     6. பொ-ரை: பரந்த இவ்வுலகிற்கு இறைவன் உயிராய்
விளங்குகின்றான். அப்பெருமான் சுடுகாட்டில் திருநடனம்
ஆடுபவன். பத்தர்கள் இசையோடு போற்றிப் பாடத் திருமழபாடியில்
இனிது வீற்றிருந்தருளும் அவனைச் சார்ந்து போற்றுபவர்கட்கு
வறுமை இல்லை.

     கு-ரை: நீடினார் உலகுக்கு - பரப்பான் மிக்க உலகத்திற்கு.
‘மலர் தலை உலகம்’ என்றபடி. எரி - எரியும். கான்இடை -
காட்டிடை. (மயானத்தில்) பாடின் ஆர் இசை - பாடுதலால்
உண்டாகிய இனிய இசைமிக்க (திருமழபாடி).