3364.	விண்ணினண்ணு புல்கிய வீரமாய
	மால்விடைச் சுண்ணவெண்ணீ றாடினான் சூலமேந்து      கையினான் அண்ணல்கண்ணொர் மூன்றினா னானைக்காவு      கைதொழ எண்ணும்வண்ணம் வல்லவர்க் கேதமொன்று      மில்லையே.                         4

     4. பொ-ரை: வானில் நண்ணிச்சென்று முப்புரம் எரித்தபோது
திருமால் இடபமாகத் தாங்கினான். இறைவன் திருவெண்ணீறு
அணிந்தவன். சூலமேந்திய கையினன். மூன்று கண்களையுடைய
மூர்த்தியான சிவபெருமான் வீற்றிருந்தருளுகின்ற
திருவானைக்காவைக் கைதொழ எண்ணும் அன்பர்கட்குத் தீமை
எதுவும் இல்லை.

     கு-ரை: விண்ணின் நண்ணு - வான்வழியாக வருகின்ற.
புல்கிய வீரம் ஆய - பொருந்திய வீரத்தையுடைய, மால்விடை.
கைதொழ வல்லவர்க்கும் - (எண்ணும் வண்ணம்) தியானிக்குமாறு
வல்லவர்க்கும் தீங்கு எதுவும் நேராது என்பது இப்பாடலின் இறுதிப்
பகுதியின் பொருள்.