3459.	திண்ணம ரும்புரிசைத் திரு வெண்டுறை
	மேயவனைத் தண்ணம ரும்பொழில்சூழ் தரு சண்பையர்      தந்தலைவன் எண்ணமர் பல்கலையா னிசை ஞானசம்      பந்தன்சொன்ன பண்ணமர் பாடல்வல்லார் வினை யாயின      பற்றறுமே.                       11

     11. பொ-ரை: உறுதியான மதில்களையுடைய திருவெண்டுறை
என்னும் திருத்தலத்தில் எழுந்தருளியுள்ள சிவபெருமானைப் போற்றி,
குளிர்ச்சி பொருந்திய சோலைகள் சூழ்ந்த சண்பை எனப்படும்
சீகாழியில் அவதரித்த தலைவனான, பலகலைகளில் வல்ல
ஞானசம்பந்தன் அருளிய இப்பண்ணோடு கூடிய திருப்பதிகத்தை
ஓத வல்லவர்களின் வினையாவும் நீங்கும்.

     கு-ரை: திண்(ண)ம் அமரும் புரிசை - உறுதி தங்கிய மதில்.
திண்மை - திண் என்று ஆயது. “ஈறுபோதல்” என்னும்விதி. சூழ்
தரு - சூழ்ந்த. எண் அமர் - பாராட்டுதல் அமைந்த பல்கலை.
இசை - இசைத்தமிழால்.