3828.	இயலுளோர் தொழுதெழு மின்னம்பர் மேவிய
	அயனுமா லறிவரி யீரே அயனுமா லறிவரி யீரும தடிதொழும் இயலுளார் மறுபிறப் பிலரே.                 9

     9. பொ-ரை: நல்லியல்புடையோர் தொழுது எழுகின்ற
திருஇன்னம்பர் என்னும் திருத்தலத்தில் விரும்பி வீற்றிருந்தருளும்
சிவபெருமானே! பிரமனும், திருமாலும் அறிவதற்கரிய உம்
திருவடிகளைத் தொழும் இயல்பு உடையவர்கட்கு மறுபிறப்பு இல்லை.

     கு-ரை: இயல்உளர் - சமய விசேடாதி தீக்கை பெற்ற
தகுதியுடைய அடியார், மறுபிறப்பு இலர் ஆவர்.