3857.	வேனிகர் கண்ணியர் மிழலையு ளீர்நல
	பானிக ருருவுடை யீரே பானிக ருருவுடை யீரும துடனுமை தான்மிக வுறைவது தவமே.                  5

     5. பொ-ரை: வேல் போன்று கூர்மையும், ஒளியுமுடைய
கண்களையுடைய பெண்கள் வாழ்கின்ற திருவீழிமிழலை என்னும்
திருத்தலத்தில் விரும்பி வீற்றிருந்தருள்கின்ற, நல்ல பால் போன்ற
நிறமுடைய சிவபெருமானே! பால் போன்ற நிறமுடைய உம்முடன்
உமாதேவி வீற்றிருந்தருளுவது தவச்சிறப்புடையதாகும்.

     கு-ரை: வேல் நிகர் கண்ணியர் - வேலை யொத்த
கண்களையுடைய பெண்கள் வாழும் மிழலை. ந(ல்)ல பால் நிகர் -
பாலையொத்த. உரு - நிறம். சதாசிவமூர்த்தியின் நிறம் வெண்மை
என்பதால் பால் நிகர் உருவுடையீர் என்னப்பட்டது.