4008.	பாதங்கைதொழ வேதமோதுவர்
	பட்டினத்துறை பல்லவனீச்சரத் தாதியா யிருப்பார்      இவர்தன்மை யறிவாரார்.               8

     8. பொ-ரை: தம் திருவடிகளைக் கைகளால் தொழுது
உலகத்தினர் நன்மையடையும் பொருட்டு வேதங்களைச் சிவபெருமான் அருளிச்செய்தார். காவிரிப்பூம்பட்டினத்துப் பல்லவனீச்சரத்தில்
விரும்பி வீற்றிருந்தருளும் ஆதிமூர்த்தியாய் இருப்பவர். இவரது
தன்மையை யார் அறிவார்?

     கு-ரை: பாதம் கை தொழ - தமது திருவடிகளைக் கையால்
தொழுது உய்தி கூடும் பொருட்டு. வேதம் ஓதுவார் - வேதம்
முதலிய நீதிகளை உபதேசித்தருள்பவர். வேதம், என்பது
உபலட்சணம்.