முகப்பு தொடக்கம்   பாடல் எண் : 98 - 10 வெறுத்தா னைம்புல னும்பிர மன்தலை அறுத்தா னையரக் கன்கயி லாயத்தைக் கறுத்தா னைக்கா லினில்விர லொன்றினால் ஒறுத்தா னைக்கண்டு கொண்டதெ னுள்ளமே. 10 பொ-ரை: ஐம்புலன்களை வெறுத்தவனும், பிரமன் தலையினை அறுத்தவனும், இராவணன் திருக்கயிலாயத்தின் மேற்சினந்தபோது காலினில் திருவிரல் ஒன்றினால் ஒறுத்தவனும் ஆகிய பெருமானை என் உள்ளம் கண்டுகொண்டது. கு-ரை: ஐம்புலனும் வெறுத்தான் என்க. கறுத்தானை - சினந்தவனாகிய இராவணனை. ஒறுத்தானை - தண்டித்தவனை.