மூலம்   பாடல் எண் :1566 ஏன வேடத்தி னானும் பிரமனும் தான வேடமுன் தாழ்ந்தறி கின்றிலா ஞான வேடன் விசயற் கருள்செயும். கான வேடன்றன் வெண்கா டடை நெஞ்சே. 9 பொ-ரை: நெஞ்சே! பன்றி வேடம் கொண்ட திருமாலும், பிரமனும் தானவேடத்தை முன் தாழ்ந்து அறிய வலிமையில்லாத ஞானவேடனும், அருச்சுனனுக்கு அருள்செய்யும் காட்டு வேடனும் ஆகிய பெருமானின் திருவெண்காடு அடைந்து வழிபடுவாயாக. கு-ரை: ஏன வேடத்தினான் - பன்றியாய் அவதரித்த திருமால்; தான் அவ்வேடம் எனப் பிரிக்க. தான் - இறைவன். அவ்வேடம் - அனலாகிய உருவம். தாழ்ந்து - உருவமாறி. ஞானவேடன் - ஞானமே வடிவமாயிருப்பவன். கான வேடன் - காட்டு வேடன்.