(இ-ள்.) வெளிப்படை. மேலே கூறியவாறு நண்ணிய
தவக்கோலம் பூண்ட சிவயோக நாதரைக் கண்ணாரக் கண்ட
ஆசைமிகுந்த அன்பனார், இவர் புண்ணியத் தொண்டரேயாம் என்ற
கருத்துடன் துதித்து நினைத்திருந்த வகையினுக் கேற்ப எதிர்கொண்டு
சென்று வணங்கித் துதித்தார்.

     (வி-ரை.) தவச்சிவயோகநாதர் - தவக்கோலமுடைய
சிவயோகியார். தவம் நண்ணிய - செய்த தவத்தினாலே நண்ணிய
என்று கூட்டியுரைத்தலுமாம். யோக நாதர் - யோகிகளுக்கெல்லாம்
பெரியவர் - தலைவர். யோகத்தாற் கிடைக்கும் பொருளாகிய
இறைவர் என்றதும் குறிப்பாம்.

     கண்ணுற நோக்கிய - கண்களினாலே ஆர நோக்கிய.
“கண்ணாரக் கண்டும் என் கையாரக் கூப்பியும்“ என்ற அம்மையார்
திருவந்தாதியும் (25) காண்க. இது குறிக்கவே நோக்கிய என்றதனோ
டமையாது கண்ணுற நோக்கிய என்றார். கண் காதலுற நோக்கிய
அன்பர் என்று கூட்டி உரைத்தலுமாம்.

     காதலன்பர் - மெய்யடியார்கட்கான பணிசெயும்
விருப்பினின்றவரான (361) தொண்டர். காதல் - நாயகன்
நாயகிகளிடத்து நிகழ்வது. அடியார்களே தமது நாயகர்கள் -
தலைவர்களாவார் எனக் கொண்டு ஒழுகும் ஆசையாதலால் காதல்
என்ற சொல்லாற் கூறினார்.

என்ற (திருவெம்பாவை) திருவாசகங்கள் காண்க.

     “ஆசையொடு மானடியா ரடியாரை யடைந்திட்டு“ என்பது
சாத்திரம்.

     புண்ணியத் தொண்டராம் - புண்ணியஞ் செய்தமையாலே
தொண்டராகப் பெற்றார் இவராகும். நாம் செய்த புண்ணியத்தினாலே
போந்த தொண்டர் - அடிமை செய்யும் புண்ணியமுதவும் தொண்டர்
- என்றலுமாம். புண்ணியம் - இங்குச் சிவ புண்ணியம் குறித்தது.

     போற்றிசெய்து எண்ணிய வகையினால் - மனத்தாற்
றுதித்துக்கொண்டு இது வளர அன்பர் பணிசெய்வதிலே தாம்
எண்ணியிருந்த எல்லா வகையாலும், வழக்கமாய் அன்பர்களைப்
போற்றி எண்ணியிருந்த வகையினாலே என்றலுமாம். “நித்தமாகிய
பத்திமுன் கூர“ (442) காண்க. எதிர்கொண்டு - எதிர்கொண்டு
சென்று.அவர் முன்னர் வரவேற்கச் சென்று. எத்தினார் - உபசார
மொழி கூறித் துதித்தார்.

      என்றமை காண்க.

     போற்றி செய்து - என்பது கண்டவுடனே தாமிருந்த
நிலையில் மனத்தாலும் வாக்காலும் துதித்தல்; ஏத்தினாரென்பது
அவர்முன்னர்ச் சென்று உபசரித்துத் துதித்தல்.

     தொண்டர்தாம் - எண்ணிய வுவகையால் - என்பனவும்
பாடங்கள். 13