(இ-ள்) பிள்ளையார்தாம் ஏடகம் வன்னி என்று எடுத்துப் பாட - பிள்ளையார் திருவேடகத் திருப்பதிகத்தை "வன்னியு மத்தமும்" என்ற தொடங்கிப் பாடியருளவும்; கூடிய...கூடி - ஆற்று நீரினுட் கூடி வந்த ஏட்டினிடம் குலச்சிறையாரும் சென்று பொருந்தி; காடிடமாக...புக்கு - பெரு மயானமே இடமாக ஆடுகின்ற கண்ணுதற் பெருமானது திருக்கோயிலின் பக்கத்தில் நிலைபெற்ற வைகையாற்றின் நடுவிலே புக்கு; நின்ற ஏடு எடுத்துக் கொண்டார் - மேற் ஏறாமல் நின்ற ஏட்டினை எடுத்துக் கொண்டனர்.