| பதி பிறவும் - இவை பழமுதிர்சோலை - திருவாதவூர் முதலாயின என்பது கருதப்படும். |
| திருப்புத்தூர் |
| திருச்சிற்றம்பலம் பண் - தக்கராகம் - 1-ம் திருமுறை |
| வெங்கள் விம்மு வெறியார் பொழிற்சோலை
திங்க ளோடு திளைக்குந் திருப்புத்தூர்க்
கங்கை தங்கு முடியா ரவர்போலும்
எங்க ளுச்சி யுறையு மிறையாரே. | |
| (1) |
| நல்ல கேள்வி ஞான சம்பந்தன்
செல்வர் சேட ருறையுந் திருப்புத்தூர்ச்
சொல்லல் பாடல் வல்லார் தமக்கென்றும்
அல்ல றீரு மவல மடையாவே. | |
| (11) |
| திருச்சிற்றம்பலம் |
| பதிகக் குறிப்பு:- திருப்புத்தூர் உறைவார் எமது இறைவர். |
| பதிகப் பாட்டுக் குறிப்பு:-(1) வெம் கள் - வெம்மை - விருப்பம்; விம்மு - மிக்க; சோலை திங்களோடு திளைத்தல் - என்றது சோலை சந்திரமண்டலத்தளவும் நீண்டு வளர்ந்து சந்திரனோடு அளாவுதல்; அவர் போலும் இறையார் - அவரே எமது இறைவர்; போலும் என்பது உடன்பாடு பற்றிய உறுதிப்பொருள் தந்தது;- (2) வேனல் விம்மு வெறி - வேனற் காலத்தில் பூக்கள் மிக்கலர்ந்து மணமிக்கன வாதல் குறித்தது; தேன் - ஒருவகைத் தேன்வண்டு; ஊனம் இன்றி - அடியார் மேல் ஊனத்தை இல்லையாகச் செய்து; நன்கு என்றலுமாம்; ஏனமுள்ளும் எயிறும் - முள்ளம் பன்றியின் முள்; வராகத்தின் கொம்பு;-(3) தாங்கு திங்கள் தவழ் - தாங்குதலினால் நிலைபெற்ற மதி தவழும் வலி பெற்ற; கொன்றை - தலமரமுமாதற் சிறப்பு;-(4) ஊறல் - சுரத்தல். ஊறல் வாழ்க்கை - இங்குக் கருணையே சுரக்கும் தன்மை குறித்தது. "கரும்பி னூறல்கண் டாய்கலந் தார்க்கவன்"(தேவா);-(5) பசை விளங்கப் படித்தார் - முன் 4-பாட்டில் "ஊறல் வாழ்க்கை யுடையார்" என்ற கருத்து. பசை - ஒட்டுந் தன்மை. இங்குக் கருணை குறித்தது. பச்சை என்பது எதுகைநோக்கி இடை குறைந்தது எனக்கொண்டு அதற்கேற்ப உரைத்தலுமொன்று. படித்தல் - பயிலுதல்; காட்டுதல்; வசை விளங்கும் வடி - வசை - மன்மதனை எரித்த தன்மை வசை எனப்பட்டது; வடி - கூரிய தன்மை குறித்தது; ஒரு கணப்போதில் எரித்த திறம் வடி எனப்பட்டது; வடி - அத்தன்மை கொண்ட கண்ணுக்கு வந்தது - ஆகுபெயர்;-(6) வெண்ணிறத்த - புனல் - எனக் கூட்டுக; நீருக்கு நிறம் வெண்மை என்பது சாத்திரம். "பொன்பார் புனல் வெண்மை - (உண்மை விளக்கம் - 5); தெண்ணிறத்த - தெளிந்த தன்மை; ஒண்ணிறத்த - ஒண்மை - ஞானம். இப்பாட்டில் நிறத்த - சொற்பின் வருநிலை;-(8) கருக்கம் - கார்மேகம். கமழ்தல் - செழிக்கத் தங்குதல் என்ற பொருளில் வந்தது. "மஞ்சும் அங்கவை பொழிந்தநீரு மாகுதிப் புகைப்பா னாறும்"(834) என்றவிடத் துரைத்தவையும் பிறவும் அறிவிக்குமாறு. கமழும் - ஆகுதிப்புகை மணக்கும் என்றலுமாம். திருக்கொள் செம்மை விழவு - இறைவரது திருவிழா. திரு - முத்தித் திரு. செம்மை - நன்மை. "கண்ணி னாலவர் நல்விழாப் பொலிவுகண் டார்தல்"(பிள். தேவா); |