| I திருக்குற்றாலம் |
| திருச்சிற்றம்பலம் பண் - குறிஞ்சி 1-ம் திருமுறை |
| வம்பார் குன்ற நீடுயர் சாரல் வளர்வேங்கைக்
கொம்பார் சோலைக் கோலவண் டியாழ்செய் குற்றாலம்
அம்பா னெய்யோ டாட லமர்ந்தா னலர்கொன்றை
நம்பான் மேய நன்னகர் போலு நமரங்காள்! | |
| (1) |
| மாட வீதி வருபுனற் காழி யார்மன்னன்
கோட லீன்று கொழுமுளை கூம்புங் குற்றாலம்
நாட வல்ல நற்றமிழ் ஞான சம்பந்தன்
பாடல் பத்தும் பாடநம் பாவம் பறையுமே. | |
| (11) |
| திருச்சிற்றம்பலம் |
| பதிகக் குறிப்பு:- நமரங்காள்! தன்சாரற் சோலைக் குற்றாலம் நம்பான் மேய நன்னகர் போலும்! |
| பதிகப் பாட்டுக் குறிப்பு: -(1) வம்பு - மணம்; யாழ் செய் - யாழ்போலப் பாடும்; ஆடல் - திருக்கூத்தின் குறிப்புமாம்; நம்பான் - இறைவன்; நகர் போலும் - நகர்தானே; நமரங்காள் - நம்மவரே! அடியீர்காள் - சிறுதொண்டீர் - பெரியீர்காள் - தொழுவீர்காள் என இப்பதிகம் அடியார்களை நோக்கி வினாவிய அமைப்புடையது; -(2) பொடிகள் - திருநீறு - சுண்ணம் முதலாயின; சிறப்புப் பன்மையுமாம்; "பொடிகள் பூசிப்பல தொண்டர் கூடிப்புலர் காலையே"(செவ்வழி - திருத்திலதைப்பதி - 1); பின் செல்ல - விழாமல்கு என்று கூட்டுக; திருவாரூர்(குறிஞ்சி) அரசுகள் பதிகம் பார்க்க; நாள்விழ - நாட்கூற்றின் அமைப்பினைப் பின்பற்றிய விழா. நாள் - புதிது ஆகிய; -(3) செல்வம் - ஈண்டுச் செழிப்பு என்ற பொருளில் வந்தது; வில்லின் - வில்லினால்; ஒல்க எய்து என்க; -(4) பக்கம் - பக்கங்களில் கன்றுகள் புடைத்துத் தோன்றிப் பெருகும்; தூங்குதல் - தொங்குதல்; -(6) மைம்மா நீலம் - மைம்மா - மிக்க கருமை குறித்தது; ஒப்புதல் - கடிதல்; -(8) அருவி புடைசூழ - பல முகங்களானும் அருவிகள் எப்பக்கங்களினும் சூழ்ந்து ஓடி வீழ; கூதன் மாரி நுண்துளி தூங்கும் - இது குற்றாலத்தின் பருவச் சிறப்பு; ஆனி - ஆடி மாதங்களின் சிறப்பு; மிறை - தண்டனை; -(9) குராமலரின் அரும்பு பாம்பின் பல்போலக் கூரியதாய் வளைந்து உட்டுளையுடையதாய் மெல்லிதாய் வெள்ளிதாய் உள்ள தன்மை குறித்தது; மெய்யும் உருவும்பற்றி வந்த வுவமம்; "தூம்புடை வாலெயிறு"(முருகு); குரவம்பாவை - உருவகத்தாற் குராமலருக்கு வழங்கும் பெயர். குராமலர் விரிந்தபோது ஆடும் பாவைபோன்று காட்டும். "வைக லாயிரம் பாவையை வளர்ப்போய்...குரவே"(திருவாரூர் - மும்மணிக் கோவை - 16); -(10) செவ்வழி - பண்; "சிவந்த வண்டு வேறாய வுருவாகிச் செவ்வழிநற் பண்பாடு மிழலை யாமே"(தேவா); அருந்தண் - அரிய (தட்பம்) தண்ணளியுடையவன்; அந்தணன் என்பது போல; -(11) கோடல் - வெண்காந்தள்; கூம்புதல் - குவிதல். குறிப்பு - இப்பதிகப் பாட்டுக்கள் குற்றாலவள நகரின் இயற்கை வளத்தின் அழகை அருமைபடத் தன்மையணியில் வைத்துக் காட்டுவன. இப்பதிகம் குற்றால நகரைப் பற்றியது. நகரின் புறத்திருந்து அருளப்பட்டது போலும்; "நன்னகர் போலும்"(பதிகம்). திருமுதுகுன்றம் - திருவிடைமருதூர் முதலிய பதிகளின் பதிகங்களும், அவற்றைப் பற்றி ஆசிரியர் எடுத்துக்காட்டுமாறும் (2079 - 2311)காண்க. |