| காப்பு - காவல் புரியும் இடம். "காப்புத் திருத்தாண்டகம்"; "கயிலாயமுன் கண்ணுதலான் றன்னுடைய காப்புக்களே" (தேவா). |
|
| | முன்னம்...வண்ணமும் மொழிந்து - பிள்ளையார் பதிகம் "முன்ன நின்ற முடக்கான முயற்கருள் செய்து" (1) என்றது காண்க. பதிகப் பாட்டுக் குறிப்பும் தல விசேடமும் பார்க்க. |
| | திருவடுகூர் - திருக்கரை - இவை பிள்ளையர் தொண்டைநாடு - காஞ்சிபுரம் -செல்லும் வழியிடை உள்ளன; அவர் சென்றருளிய வழியையும் குறிப்பன. வக்கரை - தொண்டைநாட்டுப் பாடல் பெற்ற பதிகளுள் ஒன்று. இது திருவடுகூரின் வடக்கில் உள்ளது. தில்லை முதலாக முன் கூறியனவும் இப்பாட்டிற் கூறியனவும், இனி வரும் பாட்டுக்களிற் கூறுவனவும் வழியிடை வரிசைபெற அமைந்தமை காண்க. |
| | 963 |
| | திருப்பாதிரிப்புலியூர் |
| | திருச்சிற்றம்பலம் |
| | பண்-செவ்வழி-2-ம் திருமுறை |
| | முன்ன நின்ற முடக்கான் முயற்கருள் செய்துநீள்
புன்னை நின்று கமழ்பா திரிப்புலி யூருளான்
தன்னை நின்று வணங்குந் தனைத்தவ மில்லிகள்
பின்னை நின்ற பிணியாக்கை யைப்பேறு வார்களே. | |
| | (1) |
| | அந்த ணல்லா ரகன் காழியுண் ஞானசம்
பந்த னல்லார் பயில்பா திரிப்புலி யூர்தனுட்
சந்த மாலைத் தமிழ்பத் திவைதரித் தார்கண்மேல்
வந்து தீயவ் வடையாமை யால்வினை மாயுமே. | |
| | (11) |
| | திருச்சிற்றம்பலம் |
| | பதிகக் குறிப்பு :- திருப்பாதிரிப்புலியூர் இறைவரை வணங்கும் தவமில்லாதவர் பிறவியிற் புகுவர்; அவரை வணங்கவே வினைமெலிந்து அணுகாது; நுணுகும்; மேல் வந்து தீயவை அடையாமையால் முன்வினை மாயும். |
| | பதிகப் பாட்டுக் குறிப்பு :- (1) முன்ன நின்ற - முன்வந்து பூசித்த; முடக்கால் முயல் - முடங்கு காலுடன் முயலாகச் சபிக்கப்பெற்ற மங்கண முனிவன்; அருள் செய்து - சாப நீங்கச் செய்து. புன்னை - நெய்தற்கருப்பொருள். வணங்கும் தணைத் தவமில்லிகள் - வணங்குதற்கு ஓரளவேனும் தவமில்லாதவர்கள். தனை - அளவு; பின்னை நின்ற பிணியாக்கையைப் பெறுவார்கள் - மேல் எடுக்கவுள்ள பிறவியிற் பட்டுச் சுழல்வார்; பிணி யாக்கை - உயிரைக் கட்டுறுத்தும் உடல்; பிணியும் யாக்கையும் என்றலுமாம். "பிறப்பதற்கே தொழிலாகி யிறக்கின்றாரே" (தேவா). முயற்கருளியதுபோலத் தன்னை வணங்குவோ ரெவருக்கும் உடல் வரும் குற்றநீங்க அருளுவர் என்பது குறிப்பு ;-(2) கொள்ளி நக்க பகுவாய பேய் - எரிகொள்ளி போன்று தீயினை உமிழும் திறந்த வாயினையுடைய பேய்கள்; "சுழலு மழல்விழிக் கொள்ளிவாய்ப் பேய்" (அம்மை மூத்த திருப்பதிகம் - 7); முள்ளிலவம் - இலவின் வகை ;-(3) மருள் இல் நல்லார் - மயக்கமில்லாத நல்லோர்; வெறி - விளையாட்டு (தவங்காண் படலம் - கந்தபுராணம் பார்க்க) ;-(4) போது - மலர்; புகை - தூபம்; போதினாலே - உரிய காலங்களிலே. போது - பொழுது; காலம். நாலும் - நாலுதல்; தொங்குதல். நாலும் அவலம் - நான்காகிய துன்பம் என்றலுமாம் ;-(5) நல் |