|
| | I திருவண்ணாமலை |
| | திருச்சிற்றம்பலம் |
| | பண் - நட்டபாடை - 1-ம் திருமுறை |
| | உண்ணாமுலை யுமையாளொடு முடனாகிய வொருவன்
பெண்ணாகிய பெருமான்மலை திருமாமணி திகழ
மண்ணார்ந்தன வருவித்திரண் மழலைம்முழ வதிரு
மண்ணாமலை தொழுவார்வினை வழவாவண மறுமே. | |
| | (1) |
| | வெம்புந்திய கதிரோனொளி விலகும்விரி சாரல்
அம்புந்திமூ வெயிலெய்தவ னண்ணாமலை யதனைக்
கொம்புந்துவ குயிலாலுவ குளிர்காழியுண் ஞான
சம்பந்தன தமிழ்வல்லவ ரடிபேணுத றவமே. | |
| | (11) |
| | திருச்சிற்றம்பலம் |
| | பதிகக் குறிப்பு :- பெருமான்மலை அண்ணாமலையினைத் தொழுவார்களுடைய வினைமுழுதும் அறும் என்று மலையினைத் தூரத்தே கண்டு போற்றியது. |
| | பதிகப் பாட்டுக் குறிப்பு:- (1) உண்ணாமுலை உமையாள் - முருகப் பெருமானும் வாய்வைத்து உண்ணாத முலை; பரம் அபரம் எனும் ஞானங்களிரண்டுமே உருவாகக் கூறுதல் மரபு; ஒருவனாயிருந்து உலகுக்கருளும் நினைவுகொள்ளச், சிவமும் சத்தியுமுடனாகிய உருக்கொண்டு, பின் அருள்தரச் சத்தி வேறாகி வரும் நிலைகள் குறிப்பு. பெண் ஆகிய - சத்தி வேறாகிய; அருவிகள் திரண்டு சலசல ஓசையுடன் தரையில் வீழ்வன மழலை முழவுபோலச் சத்திக்கின்றன. முழவுபோல அதிரும் என்று உவம உருபு விரிக்க; அதிர்தல் - சத்தித்தல்; வழுவா வண்ணம் - "ஒன்றொழியா வண்ணமெல்லாம்"(திருவா); உறுதியாக என்றலுமாம்;- (2) தேமாங்கனி....சிதற - ஆண் குரங்குள் கொம்புகளைக் கீழ் இழுத்துத், தொங்கும் மாங்கனியைக், கொள்வதால் பின்னர் அக்கொம்புகள் மேலேசென்று மேகங்களைக் கீற அவற்றினின்று நீர்ச் சிறுதுளிகள் சிதறி வீழ; "மலர்பறிப்பத் தாழவிடு கொம்புதைப்ப"(தேவா); தேமா - மாவின் சிறந்த ஒருவகை; தேம் - இனிமையுடைய; தூமாமழை - மேகத்தாற் றூய நீராவியாய்க் கொள்ளப்பட்டதாதல் குறிப்பு; தீண்டி - தீண்டுதலால்; துறுவல் - செறிவு; சோலைகளின் திரட்சி. ஆமா - காட்டுப்பசு;- (3) மயில் - குறிஞ்சிக் கருப்பொருள். கழை - மூங்கில்; கழை முத்தங்களைச் சூல்கொண்டு முற்றி மணிகளைத் தரை நிறையச் சொரியும்; சூலி - சூல் கொண்டு; ஆலி - நீர்த்துளி; புகழ் தொழுவாரனவே - என்று கூட்டுக;- (5) முரவம் படும் - முரசு (பறை) போல ஒலிக்கும்; - (7) கரிகாலன....எரியாடிய - ஊழிச் சுடலை; காலனவும் கொள்வனவும் ஆகிய கழுகு என்க; கழுகு - நரி - முதலியன இருத்தல் ஈமத்தின் பொதுவியல்பு;- (8) ஒளிறு - விளங்கும்; ஒளிறு - அதள் - என்க; ஒளிறூ - முதலிய நீட்டல்கள் செய்யுள் இசை நிரப்புதற்கண் வந்தன;- (9) கடல்வண்ணன் - புகழோன் - ஏனைத் தேவர்களை நோக்க இவர்களது பெருமையும் இத்தலவரலாறும் குறித்தன; அளவா - அளத்தலாகாத; அழலாகிய அண்ணல் - தல வரலாறு;- (10) வெயில் நின்றுழல்வார் - சமண குருமாரின் வழக்குக்களுள் ஒன்றுபற்றிக் கூறியது; சீவரம் - புத்தர்களது மஞ்சட் போர்வை; ஆரம்பர் - வீண் ஆரவாரஞ் செய்வோர்;- (11) வெம்பு - வெப்பு என்பது மெலிந்து வந்தது. ஒளி விலகும் - உட்புகமாட்டாது விலகிச்செல்லும்; |