|
| | இவ்வாறு சென்ற சென்ற தலங்கள்தோறும் எதிர்கொண்ட பெருமை தொண்டை நாட்டுக்குச் சிறப்புரிமை. |
| | முனிவர்க்கோத்தளித்த - என்பதும் பாடம். |
| | 974 |
| 2873 | சண்பை வேந்தர் தண்டரளச் சிவிகை நின்று மிழிந்தருளி
நண்பின் மிக்க சீரடியார் சூழ நம்பர் கோவுரஞ் சூழ்
விண்பின் னாக முன்னோங்கும் வியன்பொற் புரிசை வலங்கொண்டு
பண்பி னீடிப் பணிந்தெழுந்து பரமர் கோயி லுள்ளடைந்தார். | |
| | 975 |
| | (இ-ள்) சண்பை.....இழிந்தருளி - சீகாழித் தலைவராகிய பிள்ளையார் குளிர்ந்த முத்துச் சிவிகையினின்றும் இறங்கியருளி; நண்பின்...சூழ - அன்புமிகுந்த சிறப்புடைய அடியார்கள் தம்மைச் சூழ்ந்துவர; நம்பர்...வலங்கொண்டு - இறைவரது கோபுரத்தைச் சூழ்ந்து ஆகாயமும் கீழ்ப்படும் வண்ணம் முன்னே உயர்ந்து விளங்கும் பெரிய அழகிய திருமதிலைச் சுற்றி வலமாக வந்து; பண்பின்....அடைந்தார் - வணங்கவேண்டிய தன்மை பெருகிப் பணிந்து எழுந்து இறைவரது திருக்கோயிலினுள்ளே அடைந்தருளினர். |
| | (வி-ரை) சிவிகைநின்று மிழிந்தருளி - என்றது எதிர்கொண்ட அடியார்களது அன்பினை அங்கீகரித்துக் கொள்ளும் நிலை. |
| | கோபுரம் சூழ் விண்பின்னாக முன் ஓங்கும் - கோபுரத்தைச் சூழ்ந்த உயர்ந்த மதில் முன்னால் ஓங்கி நின்றது; அஃது ஆகாயத்தையும் கீழ்ப்படுத்தி ஓங்கியது. |
| | புரிசை வலங்கொள்ளுதல் - மதிலைச் சூழ்ந்து புறத்தே வலம் வருதல். |
| | பண்பின் நீடுதல் - வணக்கத்திற்குரிய இடம் காலம் முறை முதலிய எல்லாத் தன்மைகளாலும் மிகுதல். |
| | 975 |
| 2874 | வார ணத்தி னுரிபோர்த்த மைந்த ருமையாண் மணவாளர்
ஆர ணத்தி னுட்பொருளாய் நின்றார் தம்மு னணைந்திறைஞ்சி
நார ணற்கும் பிரமற்கும் நண்ணற் கரிய கழல்போற்றுங்
காரணத்தின் வருமின்பக் கண்ணீர் பொழியக் கைதொழுவார். | |
| | 976 |
| | (இ-ள்) வாரணத்தின்...அணைந்திறைஞ்சி - யானையின் உரியைப் போர்த்த வல்லமையுடையாரும், உமையம்மையாரின் மணவாளனாரும், வேதங்களினுட்பொருளாய் நின்றவரும் ஆகிய இறைவரது திருமுன்பு சேர்ந்து வணங்கி; நாரணற்கும்...காரணத்தின் வரும் - திருமாலுக்கும் பிரமதேவர்க்கும் சேர்தற்கரிய திருவடிகளைத் துதிக்கின்றதனால் வருகின்ற; இன்பக் கண்ணீர் பொழியக் கைதொழதார் - இன்பமாகிய ஆனந்தக் கண்ணீர் பொழியக் கைகூப்பித் தொழுதருளினர். |
| | (வி-ரை) உரிபோர்த்த மைந்தர் - மைந்தர் - வல்லாளர். மைந்து - வல்லமை; இது சங்கார காரணராந் தன்மையினையும், உமையாள் மணவாளர் என்றது சிருட்டி காரணராந் தன்மையினையும், ஆரணத்தின் உட்பொருளாய் நின்றார் என்றது சிருட்டியில் வரும் உயிர்களுக்கு அவ்வவற்றின் றிறத்துக்கேற்ப ஞானங் கொடுத்து அறியாமை நீக்கி உய்வதற்கு அருள்புரியும் தன்மையினையும் உணர்த்தின. |
| | ஆரணத்தின் உட்பொருளாய் நின்றார் - உருத்திரபசுபதி நாயனார் புராணத்தினுரைத்தவை பார்க்க. வேதம் எவ்வெப் பக்குவமுடைய எல்லாவுயிர்க்கும் பொதுநூலாதலின் |