|
| | வேதமோடு சைவநெறி விளங்க வந்த - "வேதநெறி தழைத்தோங்க மிகுசைவத் துறைவிளங்க"(1899) என்றதும் ஆண்டுரைத்தவையும் பார்க்க. |
| | மாதொர்பாகர் தாம் மன்னும் - காஞ்சியாகிய இப்பதியில் அம்மை பூசித்துத் தழுவி வரம் பெற்ற வரலாற்றுக் குறிப்புப்படக் கூறியவாறு. "தழுவ வெளிப்பட்ட கள்ளக் கம்பனை"(நம்பி. தேவா); "தழுவிக் கொண்டனள்" (1140) முதலியவை காண்க. |
| | மதில்சூழ் காஞ்சி - முத்தி தருவனவாகிய ஏழு பெரும்பதிகளுள் ஒன்றாதலும், சோழ மன்னர்களின் தலைநகராதலும் குறிப்பு. திருக்குறிப்புத்தொண்ட நாயனார் புராணம் பார்க்க. "தெய்வப் பதியென்று வைய முழுதும் தொழுதேத்தும் மதில்சூழ் காஞ்சி" (1581) என்றது காண்க. |
| | நீதி வழுவா - என்பதும் பாடம். |
| | 985 |
| | திருக்குரங்கணின் முட்டம் |
| | திருச்சிற்றம்பலம் |
| | பண் - தக்கராகம் - 1-ம் திருமுறை |
| | விழுநீர் மழுவாட் படையண்ணல் விளங்குங்
கழுநீர் குவளைம் மலரக் கயல்பாயுங்
கொழுநீர் வயல்சூழ்ந்த குரங்கணின் முட்டந்
தொழுநீர் மையர்தீ துறுதுன்ப மிலரே. | |
| | (1) |
| | கல்லார் மதிற்காழியுண் ஞானசம் பந்தன்
கொல்லார் மழுவேந்தி குரங்கணின் முட்டஞ்
சொல்லார் தமிழ்மாலை செவிக்கினி தாக
வல்லார்க் கெளிதாம் பிறவாவகை வீடே. | |
| | (11) |
| | திருச்சிற்றம்பலம் |
| | பதிகக் குறிப்பு :- (1) விழுநீர் மழுவாட் படை - விழுநீர் - ஆகாயத்தினின்றும் இறைவரது சடையிற் பொருந்திச் சிறிதாக விழும் கங்கை. நீரும் மழுவும் வாட்படையும் உடைய; விழுநீர் - விழுத்தும் எனப் பிறவினையாகக் கொண்டும் நீர் - நீர்மை என்று கொண்டும் அழித்தற் றொழிற்றன்மையுடைய மழு என்றலுமாம்; படைகளானன்றி நினைப்பின் மாத்திரையானே (அழிவு) வீழ்த்தற்றொழில் நிகழ்வதாம் என்ற குறிப்புப்பட விழும் என்றார் என்றலுமாம்; "நினையாதார் புரமெரிய நினைந்த", "சூலமும் தண்டுஞ் சுமந்ததுண்டு" (ஏவப்பெறாமல் சுமந்தது) (தேவா); "கழுநீர்... கொழுநீர்" - "கொங்குமலர் நீர்" (2882) என்று ஆசிரியர் இதனை எடுத்துக் காட்டியருளினர்; 2 - 3-வது பாட்டுக்களும் பார்க்க; தீதுறு - தீமையால் வரும்; ஊழால் வருவனவும் துன்பஞ் செய்யாது உடலூழாய்க் கழியப் பெறுவர் என்பது;- (2) கடை - இடை - அயலே; அருகே; ஏழனுருபு; மென்குளத் தோங்கிய....புனல் - இது கோயிலைச் சுற்றியுள்ள காக்கைமடுவின் குறிப்பு; மென் - குளம் - மெல்லிய சிறிய பொய்கை; குடையார் - குடைதல் - நீராடல் - பொருந்திய;- (3) ஏலம் - வாசனைப் பொது; கொன்றை முதலிய மலர்களின் மணங் குறித்தது; ஒரு பாகம் சடையினுடன் விரவிய அம்மையாரது கூந்தலின் மலர்ச்சாந்தினது மணம் என்றலுமாம்;- (4) வாடாவிரி - வாடுதலின்றி எப்போதும் விரிந்துள்ள; கொன்றையான் - என்க. நலபாலன...செய்த - நன்மையான பக்குவம் நோக்கித் துன்பங் |