|
| | I கச்சித் திருவேகம்பம் |
| | திருச்சிற்றம்பலம் |
| | பண் - இந்தளம் - 2-ம் திருமுறை |
| | மறையானை மாசிலாப் புன்சடை மல்குவெண்
பிறையானைப் பெண்ணோடா ணாகிய பெம்மானை
யிறையானை யேர்கொள்கச் சித்திரு வேகம்பத்
துறைவானை யல்லதுள் காதென துள்ளமே. | |
| | (1) |
| | அந்தண்பூங் கச்சியே கம்பனை யம்மானைக்
கந்தண்பூங் காழியூ ரன்கலிக் கோவையாற்
சந்தமே பாடவல் லதமிழ் ஞானசம்
பந்தன்சொற் பாடியா டக்கெடும் பாவமே. | |
| | (11) |
| | திருச்சிற்றம்பலம் |
| | பதிகக் குறிப்பு : - கம்பைக் கரையேர்கொள் கச்சித் திருவேகம்பம் உடையானையல்ல துள்காதென துள்ளமே(1 - 5 - 3); அவனைச் சேராதா ரின்பமா யந்நெறி சேராரே. |
| | பதிகப் பாட்டுக் குறிப்பு : - (1) பெண்ணா டாணாகிய பெம்மான் - உமை தழுவிய திருமேனிக் குறிப்பு. "இளங்கொம் பனாளோ டிணைந்தும் பிணைந்தும்" (தேவா); அல்ல துள்காது - எதிர்மறையாற் கூறினார் பிறரிடைச் செல்லாமை வற்புறுத்தற் பொருட்டு; 5-வது பாட்டும் பார்க்க. "கைச்சிறு மறியவன் கழலலாற் பேணாக் கருத்துடை ஞானசம் பந்தன்"(குறிஞ்சி - அச்சிறுபாக்கம்); "கொன்றையா னடியலாற் பேணா"(திருத்தொண்டத் தொகை);- (2) கண்டனையே நச்சி - என்க; ஏகாரம் பிரிநிலை ;- (3) சேராதார் இன்பமாய் நெறி சேரார் - எதிர்மறை உறுதிப் பொருள் குறித்தது; "சேராதார் நன்னெறிக்கட் சேராதாரே" (தாண்டகம்);- (4) மின்தேய்க்கும் முகில்கள் - முகில்கள் ஒன்றோடொன்று கூடுதலால் மின் உளதாம் என்ற கலைஞானக் கருத்து; சென்று ஏய்க்கும் - ஏய்தல் - பொருந்துதல்;- (5) கடை - முன்கடை; மூன்றும் - மனம் வாக்குக் காயம்; கம்பை - ஆறு; இவ்வாற்றின் கரையில் அம்மை மாவின் மூலத்தில் தவஞ் செய்து இறைவர் வெளிப்பட்டருளினர் என்ற வரலாறு குறித்தது (1139 - 1140);- (6) தம் கெழுவாளோர் இமையார் - தம்மை வணங்குவோர் இமையவராகிய வானவர்கள். கெழுவுதல் - பற்றிக் கொள்ளுதல்; "வாய்தல் பற்றித், துன்றிநின் றார்தொல்லை வானவ ரீட்டம்"(அரசு); உச்சி - உமையாள் வழுவாமே - உமையாள் தம் திருவடியில் முடிசாய்த்து வழுவாது வணங்க; உச்சி - கங்கை வழுவாமே - தம் உச்சியிற் கங்கை நீங்காது;- (7) மறைகள் வேதம் விரித்தொதுவார்கண்ணுளார் - மறைகளாகிய வேதங்களை ஓதுவார்களிடத் திருப்பவர்; கழலின் வெல்வார் - காலனை - நண்ணுவார் - காலினால் வெற்றி கொள்வாராகி இயமனிடம் வருபவர்; கழல் - காலணி மணிவடம்; வீரக்கழல்; "கள்ளவினை, வென்று பிறப்பறுக்கச் சாத்தியவீ ரக்கழலும்" (போற்றிப் பஃறொடை). ஆடுகின்ற அலங்காரம் - திருக்கூத்தின் அதிசயம்; அழகிய உள்ளுறை. கரிகாலன் - கரிய காலன். கரிகாலன் என்ற பெயருடைய அரசன்; கச்சி நகரங்கண்ட அரசனையும் குறிப்பாலுணர்த்தி அவன் அன்பிற்கிரங்கி வெளிப்பட்டு எய்துபவர் என்ற வரலாறு குறிப்பதாக உரைத்தலுமொன்று (1162 = பார்க்க. இப்பொருளில் கழலின் வெல்வார் -என்பதனைத் தனி முடிபாக வைத்து வினைப்பகையைக் கழ |